رحت بروكير زي ما قلتوا بس حزنت

السلام عليكم كيفكم يا حلوات

انا طبعا حامل في نهاية السابع وهذا رابع حمل لي وجميع ولاداتي كانت قيصري في جدة

لكن ذا الحمل مضطرة اني اولد هنا في الشرقية

سألت وقرات والكل مدح مستشفى بروكير او الرعاية الي في الخبلار ومدحوا دكتورة رنا جمال كثيييييييييير

وكان اليوم اول موعد معاها لاني اترددت في البداية اولد عندهم لان الولادة القيصري ب 9500 ريال وحسب وضعنا يعتبر كثير

بس في الاخير استخرت وسار نفسي اولد فيه لكثرة المادحين فيه

ورحت وارتحت صراحة نظافة ودقة في المواعيد ودخلت عند الدكتورة رنا جمال وكانت طيبة وسوت لي سونار وشرحت لي كل شي يعني تحسيها فاهمة ما شاء الله

بس فيه شي حزني اني شكيت انها ما تكون مسلمة لانها ماهي واضعة الحجاب على راسها وما سمعتها تسمي او تذكر الله حزنت مررررررررة فياليت الي تعرف عنها شي تقلنا ياليتها مسلمة على اخلاقها العالية انا محتارة اولد عندها ولا ارجع عند مهتاب في تداوي

لان صراحة دكتورتي الي في جدة كانت دايما تذكرني بالله حتى وقت البنج في العملية انام وانا اقرأ قران معاها وتحافظ على ستر المريضة والله بجد انا حزينة ودي اولد عند رنا بس دا الشي الي لاحضته حزنني

ان شاء الله تكون مسلمة بس انا اتهيأ مع العلم انها سورية بس غريب انها ما تغطي شعرها يالله الله يسعدكم جاوبوني ؟؟؟؟؟؟؟؟؟؟؟؟؟