رحت لجمعة اهلي وانصدمت من الي صار ؟/ استوفى الرد

اهلين بنات انا من امس مصدومه ماعرفت انام السالفه ومافيها اني رحت لجمعه اهلي ومبسوطه مع امي وحريم اخواني سواليف وضحك زوجة اخوي الكبير توها جايه من السفر ومادريت انها مسافره وتحمدت لها بالسلامه رانا جالسه مع اخوي اقوله وش اخبار الشرقيه يقول ولله طول الوقت في الفندق ما قدرنا ننام ونشوف كوابيس انا ماجا على بالي شي قلت له يمكن من الارهاق وتغيير المكان المهم طلعت زوجة اخوي قبلي وجيت بطلع بعدها ومالقيت نقابي وجلست ادور في بيت اهلي غرفه غرفه اختفى جا في بالي زوجة اخوي لان امي قالت لي مره انها اخذت قطاعة مخدتي وغسلتها وجابتها بس امي وزوجة اخوي الي في بيت اهلي قالوا لاتطلمينها رجعت بيتي وارسلت رساله عبيطه قلت لاخوي اسال زوجتك هي ماخذه نقابي غلط والا ناشب في عباتها ما رد اتصلت قال سالتها وقالت انها ماخذته وانا نقابي يابنات لزق وهي ربط ونقابها معها ماخذه نقابين قلت لاخوي ترا انا يوم تسافرون ماعندي خبر واذا جاي في بالك اني حاسدتك علمني اغتسل وخذ غسالي قال وشلون تتكلمين معي كذا المهم سكرت السماعه وحصلت زوجته داخله في الواتس وقلت لها اخذك النقاب بتشوفين نتيجتها وسبتني وسبيتها وش راح تتصرفون لو احد عاملتك زوجة اخوك كذا وانتي تعدينها زي اختك ؟