رحت لحرمه تمرخ شوفوا وش صار معاي

قبل فتره نزلت موضوع هنا ابي فيه ارقام حريم يمرخون والحمدلله ماقروا بنات حواء كفوا وووفوا طيب
المهم اخذت رقم كذا وحده وكلمتهم
وفي الاخير ارتحت لكلام وحده منهن وقررت اروح لها وبعد عشانها رخيصه
المهم لما كلمتها قلت انا في اخر يوم من الدوره قالت يابنيتي خليها الشهر الجاي تجي من البدايه وتعالي لي لاكن انا من العجله قلت بجيتس اليوم قالت مايخالف حياتس الله وتوكلت على الله ورحت لها
كشفت علي وقالت عندس عيال قلت لا لي سنه ونص
ماحملت
قالت حللتي انتي وزوجتس
قلت ايه ولله الحمد والمنه سليمين
وبعدها قعدت تمرخ وبصراحه قوي تمريخها ماتوقت يوجع كذا قبل فيه حريم كانوا يقولون لي ان التمريخ عموما يوجع بس ماتوقعت كذا المهم انا ماعرف للتمريخ زين واول مره امرخ بس هي كانت تدلك بطي بقوه وشغالتها تمسك كل رجل بلحالها وتنفضها وبرضوا على الظهر خلتها توطاني مادري ليش المهم قالت انتي عندس كيس
قلت ايه انا اكلت منشط مع ان الدكتوره قالت ماتحتاجين وبعد فتره سبب لي كيس وقالت ينزل لانه بسيط وصغير
قالت لا مانزل وليش اكلتي منشط مدام ماتحتاجين قلت من العجله
المهم قالت انا احس ان فيه حاجه هنا بس مادري وشي وكانت تظغط على اسفل بطي من اليمين
قلت وشي قالت والله مادري بسروحي سوي اشاعه وعلميني بالتليفون قلت ابشري وان بكره مشت معاتس الدوره تعالي لي
وطلعت من عندها واليوم الثاني رحت وسويت اشعه باسونار وقالت لي الدكتوره مافيتس شي حتى خليتها تظغط على نفس المكان وقالت مافيش حاقه
بس ودي اسالكم هل التمريخ كذا ولا لأاه صح نسيت اقول لكم الدو انقطع من الفجر واليوم نزل علي شي بني كريمي غريب لقيته بالفوطه وانتو بكرامه زي الافرازات بس على اثقل شوي احد صار عليه كذا