رحلة الشقاء اللذيذه مع مستشفى الحبيب

بسم الله الرحمن الرحيم

اول مره اكتب موضوع في هالقسم بس حبيت اشاركم تجربتي يمكن احد يستفيد منها خصوصا ان الواحد احيانا يكون ضايع وهالتجارب تساعد الناس بتخاذ قرارتهم :

اولا حابه اقولكم اني مايجيني الطلق الطبيعي ابدا والرحم عندي مايفتح ويعدي التاسع باسبوع وعشر ايام ويكبر البيبي ويخف النبض ودايما يحطو لي طلق صناعي في ولادتين السابقات وعشان كذا انا كنت عارفه الوضع ومتوقعه

هذا حملي الثالث وكنت اراجع في مستشفى ثاني ولما قرب موعد ولادتي رحت يوم الثلاثاء لمستشفى الحبيب كثر ماسمعت عن سمعته الطيبه واخذت موعد مسبق بالتلفون طبعا وشافتني الدكتوره واخذت تاريخي المشرف في ولاداتي السابقه وقالت لي طالما انتي دايما تاخذين طلق صناعي خلاص ليش التاخير تعالي نولدك وبس قلت لها لا خلينا نصبر ليوم الاثنين الجاي عشان اشوف راي دكتورتي الي اراجع عندها وبنفس الوقت بيكون عدا على موعد ولادتي 10 ايام تقريبا ومنها اعطي نفسي مجال قالت لي على راحتك وعملت لي تحاليل واشعه وكان كل شي سلييم وكمية المويه ووضع الجنين جا يوم الاثنين ورحت لدكتورتي الي من اول اراجع عندها وقالت لي ماينفع تنتظرين اكثر من كذا انصحك تروحي الولاده حااااالا وكانت معصبه لانها قايلة لي في الموعد السابق مابغى اشوفك الاسبوع الجاي :angry2:
طلعت منها اجر اذيال القهر معقول مستحيل رحمي يفتح طبيعي ومستحيل يجيني الطلق زي الناااااس

المهم سويت موعد عند الحبيب من بكرا وكان يوم الثلاثاء الساعه 9 بالليل طبعا طاقتني الغلقه من البارح:(

وصلحت شنطتي وشنطه للعيال على اساس بوديهم بيت اختي الكبيره الله لا يحرمني منها:26:

وكنت اودعهم بنظرات مدري وش اوصفها لكم كأني بموت وماراح اشوفهم ثاني مره :eek:

وكانت خالتي مريضه ورحت انا وامي وزرتها فجأه حسيت اني احب خالتي واحب الناس كلهم والله كأني بروح معركة ماراح ارجع منها وامي طبعا فضحتني عندهم وقالت اني بروح الحين للمستشفى عشان يولدوني بس الزين بهالفضيحه انهم كلللهم صاروا يدعون لي ويمكن هالدعوات الصادقه هي الي سهلت علي :26:

المهم خلصت من بيت خالتي ورحت انا وامي لبيت اختي اشوف عيالي >>> كانوا سابقينا بنص ساعه بس ولهت عليهم <<< طبعا كانت قالبتها فلم هندي وسلمت عليهم وجا زوجي اخذني وحاول يستخف دمه بالسياره بس انا كنت مرررره مفلللقه ومعصصصبه وخشتي زي هذا :16:
دخلنا على الدكتورة وسوت لي فحص وتعرفووون انواااع الالم والقهر وودك تصفقين وجهه الدكتوره بس حرام وش ذنبها بس العمليه تقههههر خصوصا ان عمر بنتي خمس سنوات يعني مبطي عن ذا الحركات:eek:

المهم قالت انه فاتح 1 سم وانا دوامي بيخلص بعطيك موعد الصباح تكوني عندي الساعه 8 ماله داعي التنويم من الليله و****لله بيفتح روحي امشي طبعا انا انبسطت بس زوجي قال لا خلوها عندكم خلاص احنا تهيئنا وجايبين الشنطه << اهم ماعليه الشنطه بالش فيها ابو الشباب :a_smil08:
وهو بيني وبينكم ماله خلق بعد جزء ثاني من الفلم الهندي المهم الدكتوره قالت لا خلاص بكرا الصباح انا استناكم :30:

رجعني لبيت اختي وهو عنده شفت ليلي وراح الدوام الله يحفظة

ماوصف لكم لما دخلت عليهم وش شفت بوجيهم تقل وحده ميته وطالعه من القبر وكلهم قالوا لي من وين جيتي وكان احباط قوووي بالنسبه
مشيت تقريبا ساعتين لين انهد حيلي بعدين دخلت الفراش وحضنت بنووتي بقووووه ونمت معاها ذيك الليله :(

ولما طلع زوجي من الدوام الساعه 7 جا اخذني ورحنا للمستشفى

يتبع