رحلتنا الصباااحيه مع نقلنا المريح للكليه

بسم الله الرحمن الرحيم
السلام عليكم ورحمة الله وبركاته
بالخيرات
كيفكم وعساكم بخير
اليوم شكلي بقلبها لغه عربيه فصحى<<<ايه هين اسمعوا منا وطلعوا منا
في كل يوم من ايام الاسبوع الخمسه السبت والاحد والاثنين والثلاثاء والاربعاء ماعدا يومي الخميس والجمعه نذهب للكليه انا ومجموعه من البنااات ونركب جمس وطبعا طريقه الجلسه تكون مافيه مراتب او جلساات "طبعا تكون مشيوله" ومركب جلسات ارضيه
ويمكن عددنا اللحين 8 او 9 بنات لان معنا وحده معيده ما تجي يومي
ولكن احنا سمن على عسل علاقتنا قويه مع بعضنا "قولو ماشاء الله " لان بعض البنات يتضايقون وحنا متعودين على بعض وراح نكمل مع بعض ان الله احيانا عااد جلستنا فله
احيانا نجيب معنا قوة وحلاو على الصبح يعني صدق الطريق ما يسوى كلها ساعه الا ربع واحنا واصلين لكن نروووق للمحاضره ابد والله ونجلس كاننا بمجلس ونربع ونتقهوى
وسواليف مراات عن المنتدياات ومراات عن المدرسااات وما نخلي احد الا واحنا مسولفين فيه وتعليق على البنات وبما اننا من اقساام مختلفه ثقافات مختلفه واذا شافوا شئ يخص اقتصااد سالون واللي لغه انجليزيه واللي عربي وجغلاافيا وفينا الملتزمات من قسم دراسات وفيه عربي ومعنا فيزياء ورياضيات
ومن المواقف اللي تصير
مره من البنات بايام الاختبار وانا جالسه بجنبها فلانه جبتي بطاقتك قالت لا قلت ياماما ما تدخلين بدون بطاقه
كان تنقز المسكينه وتكلم السواااق وتقوله ارجع ما جبت البطاقه
ونرجع بنص الطريق ياعمري ومسرررع لان الاختبار بيبداء ومشوار
وتنزل البنت وتجيب البطاقه وترجع ونمشي من جديد والناس زحمه صار على طلعتها المدارس واشارات ومع اننا وصلنا متاخرين لكن ذاااك اليوم ما قدرنا نذاااكر من الضحك على الموقف
ومررات تتعطل السياره ونغير السياره ونكون متاخرين وكل بنت تتغير عليها السياره نجلس ساعه على بال ما تركب
ونتصل عليها فلانه ترا السياره اتغيرت
ومرره بنت معروفه منا دايم مواقفها بالنقل هي نفسها صاحبه البطاقه
عاااد هي خوافه شوي كان تجي وتفتح الباب واحنا كنا بالمقاااعد الخلفيه وتشوف الللي قداام فاضي واللي وراء مضلل تسكر الباب وترجع
واحنا ضحك وما كان فيه ستاره وبس تعليق عليها
وياحووول يفتح الدريشه وينادي تعالي اركبي
من سمعت صوته رجعت تفتح الباب
وما انفتح وتجيك تروووح للباب الثاني وتفتحه عااد تركب وهي محمره من الفشيله
دااايم مواقفها
ومرات تعرفون بنات وحركااات ما نلبس النقاب جوا السياره لانه مضلل وفيه ستاره
كان نتفرج على السيارات واحنا عند اشاره
كان يشوفون البنات شاااب وتعليق على سيارته ومن بعد السياره ولونها راحوا للشاااب وتعليق
بعد ما خلصوا تعليق كنت اناظرهم واضحك قالوا
مداااد ايش فيك تضحكين
قلت شفتم اللي تو تحشون فيه
















يصير عمي
وعاااد يا فشيلتهم عممممك ؟؟؟؟؟؟؟؟؟؟؟؟
ايه عمي وخوذي تاسف قلت على كيفكم تتاسفون لو مو عمي كااان عديتووها
هههههههههههههههههههههههههههههههااااي
وكثير من المواقف اللي تصير لكن جد رحله متعه نحس بوناااسه لما نركب مع بعض
لانها عقاااب وممن اللي تركب اخر تطلع من الكليه والللي تتاخر بالطلعه من البيت
بس جد كاننا عائله وحده
وبس هاذا كل اللي عندي سواليف وهذره جت على بالي قلت بحكيلكم عنها