السلام عليكم ورحمة الله وبركاته
كيفكم بنات عساكم طيبين
امس بدون مقدمات قلت لاهلي بسجل في النادي
ورحت نادي الامير سلمان مااحبه بس قلت هو النادي الوحيد الي اعرفه فيه مضمار ومسبح
وسعره نوعا ما اوكيه
المهم رحت انا وامي ومسكوني على الباب يقولون ممنوع تحت 25
اقولهم ورب البيت عمري 28 يقولون لا جيبي الاثبات
قلت لهم انا مسجله قبل اكيد بتطلع بياناتي قالوا لا
جيبي الاثبات
المهم وبطلوع الروح خلتني ادخل واسجل وهي وراي لحد ماطلعت بياناتي القديمه وتاكدت من عمري
وجيت بسجل وانا معاي 900 وكنت مبسوطه اقول 750 للتسجيل و120 للتحليل راح يبقى لي 30 ريال
شوي قالت عطيني 1200 قلت لها ابي 3 شهور قالت ايوه 1200
انا طارت عيوني قلت ليه !!!
قالت زدنا الاسعار
واكلم الوالد اشوا كان قريب واقوله يسحب 300 واعطيهم
واخيرا سجلت
اكيد بتقولون واحنا ايش دخلنا !!!
انا كتبت الموضوع عشان الي مسجله بنادي الامير سلمان او راح تسجل تجي وتكتب يومياتها وماشيه على ريجيم اولا وكم وزنها وكم نفسها يصير وكيف تروح وتجي
واذا راحت كيف تقسم يومها
يعني مو لازم بنقاط اي شي في بالك تعالي اكتبيه ونتناقش فيه
انا الي لاحظته في النادي انه تغير وصار نظيف مررره وكمان صار فيه اهتمام بزياده مو مثل اول
ايوه بنات نسيت اقولكم انه 6 شهور سعرها 1600 يعني بس ازيد 400
بشوف اذا اعجبني الوضع وارتحت بسئلهم ممكن امدد واخليها 6 شهور
تكفون بنات نبي حماس عشان نتشجع وننحف
يله ببدا انا
انا ياطويلات العمر كنت نحيفه بالخمسينات وطولي 165
وتزوجت وجبت بنتي وصرت بالسبعينات ونحفت للستينات وبعدها صعدت تدريجيا للثمانيات
ومن 3 سنين وانا بمد وجزر والحين استقريت على 85 للاسف الشديد
ودي اصير 60
بروح للنادي يوميا المساء واذا جت المدرسه بصير الصباح
اهلي يوصلوني بس اذا صرت صباح بصير اروح مع سواق بتفق معه بالشهر
اكثر شي اعجبني في النادي انه لما تطالعين بوجه اي وحده تبتسم لك يعني تحسين بالبساطه وسعة الصدر
وشي ثاني العجايز كل مامريت جنب وحده جلست تسولف معاي وتضحك
وغير كذه كنت طفشانه ومتضايقه ولما رحت غيرت جو ونفسيتي صارت تمام
انتظركم بنوتات
عاشقة الهم @aaashk_alhm
محررة برونزية
يلزم عليك تسجيل الدخول أولًا لكتابة تعليق.
اللهم اغفر للمؤمني
•
الله ينحفك وينحف كل وحده تتنمى هالشي على الصحه وعافيه وانا معكم يارب
الله ينحفك وينحف كل وحده تتنمى هالشي على الصحه وعافيه وانا معكم ياربالله ينحفك وينحف كل وحده تتنمى هالشي على الصحه وعافيه وانا معكم يارب
اللهم امين يارب
nooon_7 :
ودي اسجل فيه بس مري 19 ) : والله قهرر بالتوفيقودي اسجل فيه بس مري 19 ) : والله قهرر بالتوفيق
الله يوفقك يارب وتنحفين بدون نادي
الصفحة الأخيرة