ديدووو @dydooo

محررة برونزية

ردا على الاخت m&ms ارجو الدخوووول

السلام عليكم ورحمه الله وبركاته

الى الاخت m& ms
وكل من وافقها وأيدها

بالاول انا اعتبرها وجهة نظرك وحبيت ابين لك وللاخوات الؤيدات ان هذه وجهة نظر خااااطئه وانتم وكيكفكم اذا عجبكم كلامي او لا:26:

بالاول انتي غلطتي كثيييير يعني اهلكتي نفسك زياده عن اللزوم وكلفتي على عمرك

يعني مو شرط كل حفله تدفعي فيها مبالغ طائله من 400 ووفوق والله العالم كم توصل مرات حجز فندق ومرات حجز طاوله عشاء وغير الهدايا وغير وغير وغير

لا انتي يا قلبي فاهمه موضوع الليالي خطا

اولا\\

مو شرط كل شوي حفله كل شهرين ملل وتكلف ويصير ما عاد لها طعم يعني من وجهة نظري اشوف انها تكون كل سنه مرتين بس

ثانيا\\\

الزوج ما يحب التكلف لان لو صار تكلف يصير في اشياء ما يلاحظها مثلا انتي مسويه بالحمام ومسويه بالصاله وبالمدخل وبغرفه النوم وعلى السرير والتسريحه
ولو جيتي اليوم الثاني وسالتيه عن شيء قال:arb: :: مالاحظت؟؟؟ لاتستغربين لانك شتتيه بكثره الاشياء

ثالثا\\\
الحفله والله ما تكلف والزوج صدقيني يحب البساطه
مثلا بعطيك ميزانيه::
الورد والشموع : حطي لها 50 ريال
الكيك::قولي 40 ريال
الهديه::150 او 100 على حسب هو وش ناقصه

رابعا\\\
مو لازم على كل مناسبه تجيبي له هديه
المناسبات المهمه ترقيه.خروج من مستشفى.

وباقي المناسبات من اعياد وغيره مره انتي ومره هو

واذا كانت الهديه بسيطه كانت احلى مثل ميداليه سياره تكون دايم معه كبك دايم لابسه بالثوب قلم دايم معه يعني اشياء بسيطه مايقدر يتخلى عنها

نصيحه لو انتي قطعتي واعتزلتي هذه الحفلات فانتي جنيتي على نفسك
لان الزوج يبي تغيييير وانتي بعد تبين تغييير

مثال لو قطع زوجك عنك الهدايا وش تكون رده فعلك؟؟ قهر ندم شك

انتي قطعتي عليه شيء كان ينبسط فيه يعني مو فاهمه هو حسد على بسطته وبسطتك؟؟

انا اقولك نصيحه لاتقطعينها بس ارحمي نفسك

يعني لاتتكلفي ولا تقطعي

حلاتها بعد مددده مو كل شوي صارت مثل الروتين

يبقى كلامي وجهة نظر ونصيحه والله ما ارضى اي وحده انو زوجها يتغير عليها
ولو تغيرتي عليه بيتغير هو كمان:(

احنا في زمن يخوف كل وحده صارت تخاف على زوجها ومنه بعد

يعني احتويه بالكلام الطيب وبالتصرف الطيب وبالوجه الحسن والنيه الطيبه:)

يلزم عليك تسجيل الدخول أولًا لكتابة تعليق.

تسجيل دخول

حرم كيزو • 13 سنة

صدقت والله!
طيب واذا كان الإهداء من طرف واحد =مني
ولمحت وصرحت=ماعندك احد

كتاكته • 13 سنة

جزاك الله خير

كلامك بمحله

امواج الامس • 13 سنة

مره في السنه حلو لكن كل شوي ماتصير

ندوش دلوعة زوجها • 13 سنة

انا ضد الاعتزال لان الروتين يووولد الملل
لازم تغيير لو بشي بسيييييط اهم شي مانكرس حياتنا للشغل والكرف والبيت والعيال...والزوج له الله
لااااازم نحسسه بااهتمام خاص وفهمكم كااافي

رجاوى • 13 سنة

انا استغرب للي يفتحون موضوع جديد عشان يردون على موضوع موجود اصلا في القسم
طيب كتبتي ردك في نفس الموضوع وخلاص
يعني الموضوع موجود ما انحذف
لا و بعد لازال موجود في نفس الصفحه
اجل نكتب موضوع جديد ليييييه
وجهة نظر 000 لا اقل000ولا اكثر