ردة فعل زوجي مستغربتها وقررت اصمت مثله

مستغربه ردة فعل زوجي اول شيء تعرفون موضوع السابق زوجي واخته من ابوه الي متعلقه فيه وووووو ماراح ادخل بالتفاصيل وكثير عضوات قالولي هو يسلك لك لاكن الي صار انا بعد مستغربة اول ماواجهته سبها وقال عارفها من زمان وكارهه وعارف انها تتصل عليه اذا كان عندي علشان تقهرني وقال مابغى اسمع طاريهااااا ويوم كنت معه بالسياره اتصلت ورد قال ايش وليش تسألين وقفل بدون مايقول مع السلامه قلت وش تبي قال تقول لاتروح لفلانه قصدها خالته انا وهو طلعنا وهي مراقبة طبعا زوجي قالي هي تراقب وقلت ليش تمشي كلامها عليك تقول لاتروح لخالتك علشان متزاعله هي معها ليش قال كنت بهاوشها بس علشانك معايا وانا ماصدقته بس عديتها وبعدين تهاوشنا ودايم اذا لو قلتله كلمه يطنقر ياخذ كم يوم زعلان ولا يكلمني هالمرا على اني تكلمت عليه وتهاوشنا وهو ساكت قلت خلاص زعل يومين ثلاث زي دايم لاكن لا نزل محل ويشتريلي شوكولاتات وعبى لي الكيسسس ويجبلي مويه ويفتحها لي وانا مستغربه من ردة فعلته ولا زعل ويوم اكلمه عادي يتكلم ولا زعل اعرف زوجي من اول ماخذته اذا زعل نفسه قشرا لو شيء تافه ياخذ ايام لاكن هالمرا غير


ومن البكرا ومدري وش جاب طاريها قال هي ضعيفه امس بالسياره يوم اتصلت قالت امانه تترجاني لاتروح لفلانه قلت وش دخلها اصلا تقولك كذا كل الحركات الي سوتها معانا ضعافه بتفرق بيننا وتنقل كلام كذب وتراقب هاذي ضعيفه قلت ماهي ضعيفه مافيه احد ضعيف بزمنا الحالي قال وهو متفاعل ايوا هي مو ضعيفه بس خبله وعارف انها سوسه مع ذلك ساكت لها مستغربة والله ورحت قلتله لاعاد تجيب طاريهم وتفاعل انا مو اي اي احد يمشيني على كيفه وانا وانا وطنشته ورحت انسدحت وانا متضايقه بكيت لاشعوريا من القهر زوجي عجزت اعرفله كل مره كلام جاء قالي احنا الحين نزعل انفسنا علشان وحده ماهي داريه عنا اقول بس تجاهليها وكذا قلت ماعلي منها
بس انا ابغى ارتاح اسألك بالله انت ماتسلك لي وطنقر قال اسمعي اذا انتي شاكه فيني خلاص روحي بيت اهلك وربي سكتت ورحت صليت الوتر ولابسه عباتي صليت فيها دخلت عليه بالغرفه شاف علي العبايه انفجع يحسبني بروح لاهلي وانا طنشته وعطول قالي ليش لابسه عبايتك قلت اصلي ويسولف جيبلي مويه وانا مستغربه زوجي اذا زعل ماينقرب يطول زعله ايام المهم اشوفه امس يصلي الوتر وهو دايم يصليها ويدعي وصاير مره يتقرب مني ويقولي لاعاد تضايقني




انا قرررت اطنششششه انسان ماعرف ايش في قلبه ماعرف اسراره ماعرف وين يطلع من عندي وين يروح اذا سألته من سوالفنا وين رحت اليوم يطنشني واغلب وقته على الجوووووووال ولا اذا اتصلوا عليه رجال سوالف معهم المكالمه تطول حتى وانا ماحبيت هالشيء فيه من البدايه
اخباره اسمعها مع اهله واحيانا اسمعها بعد مدة طويله واذا قلت مادريت يقول ماعلمتك انا وين انت تجلس تهرج علشان اعرف هو مايطلع كثير من بيتي الا اذا عنده شغل اغلب وقته بالبيت معايا
قررت انشغل عنه واطنشه واسوي شيء ينفعني لاني تعبت منه كلمته مره مرتين زي ماهو عجزت افهم طبعه
اغلب وقتي انا ببيتي ونادر ماطلع صح اشتغل ببيتي ومخصصه وقت للقران بس برضو احس كاني اطرش بالزفه ماعرف ولا شيءعن اموره وانا اسولفله احاول بس مادري كيف


ايش رايكم اتعامل مع بصمت زي ماهو يعاملني ؟؟؟؟؟؟؟؟؟؟؟؟؟؟؟؟؟؟؟؟؟