رسايل الايميل

السلام عليكم ورحمة الله وبركاته
بأدخل في المشكله على طول لان مالي في المقدمات
انا متزوجه من سنتين ونص وعندي ولد صغير الله يخليه لي يارب وزوجي انسان كويس ماشاء الله تبارك الله
قبل كم يوم لقيت ايميل زوجي مفتوح ناسيه وقلت بأدخل على الرسايل اشوفها والله يابنات انصدمت لقيت اثنين من ربعه يرسلون له رسايل قذره وعن الجنس وخلافه مقاطع فيديو يابنات والله ماتتخيلون موقفي حسيت اني ولاشي واحس اني كرهت زوجي وماابيه يقربني اهو كويس معي بس انصدمت فيه احس حركات مراهقين وهو فوق الثلاثين ماادري كيف يبي يربي اولاده وهو اللي يبيله تربيه من بعدها وانا صايره مااكلمه ولا اسولف عليه وهو حاس ان فيني شي سواليف سطحيه كلمه ورد غطاها بس احيانا ودي اواجهه بالموضوع وانا عارفه انه بيعصب اذا درى اني فتحت الرسايل واحيانا اقول لا ماراح اتكلم وانسى السالفه الى ان الله يهديه بس مااقدر اتحمله او اشوفه احس انه صدمني وحطمني وانا اللي حاطته مثالي جدا في كل شي للمعلوميه من بعد ولادتي وهو مايجيني الا مرات قليييييله

:44:

شورو علي وش اسوي اواجهه او انسى السالفه
رجاء ادعولي ان الله يسخره لي ويهديه