رفضته لانه عنده زوجه

عمره بالخمسينات ..وهي في نهاية العشرينات ..هذا الأهم ..!!

هي بالنسبه له لؤؤؤؤؤؤقطه ..وماتتفوت ..أما هو بالنسبه لها......تحصيل حاصل ..!!!

هذي النقطه الأهم في الموضوع كله ..

بنت شابه صغيرة ..بترتبط بواحد في سن والدها ..كيف بتكون لغة التعامل بينهم ..؟!

كيف بتتقبل الحياه معاه ..كيف بتتفاهم معاه ..بأي لغه ..!؟

أنا مأيدة لها في رفضها ..

موشرط يتقدم لها مطلق او اعزب ..مومشكلة ترتبط بمعدد بس يكون لسه شاب ..

لاتدفن شبابها مع شايب ..

الأمر الآخر لاتحملين نفسك مسؤلية اقناعها ..ياقلبو النصيب أذا جاء مايحتاج أحد يقنعنا فيه ..

خلوها تقتنع من داخلها بالشخص اللي تبغى ترتبط فيه ..لاتأثرون على رأيها ..

صدقوني محد بيعيش معاه غيرها ..بكره أذا حست انها وقعت بمشاكل او ماتقبلته ..أول شيء راح تسوية أنها تلومكم ..خلوها تقتنع من نفسها ..

بعدين انا موشايفه بالعريس هذا شيء مميز علشان نقنعها فيه ..أو حتى تقنعونها فيه ..

ثاني امر أذا كانت هي رافضه فكرة التعدد من اصلها ..فهي حره ..لايكلف الله نفسآ الا وسعها ..

فيه كثير زيها وربي رزقهم ..نصيبها مومرتبط بمعدد ..الأرزاق بيد الزراق ..

ويمكن هي أعرف بطاقتها منـــا ..التعدد موشيء سهل ..,ولاخطوة عاديه ..وكل أمرأه أعرف بطاقاتها وقدراتها على الصبر والتنازل وكبح جماح الغيرة ..!

أذا هي ماتستطيع تتقبل الوضع ..فصعب أحد يقنعها ..ولاتنسين انها مطلقه ..يعني صعب على نفسها أنها تغامر وتجرب ..موسهل ترجع لبيت ابوها مطلقه للمره الثانيه ..

والله يكتب لها اللي فية الخير ..,العذر والسموحة لو ماعجبكم رأيي ..

الله يهديها للي فيه خير لها

فعلا كلام المشرفه صحيح..
هي بعز شبابها وشلوون تاخذ واحد قد ابوها ..؟؟
وغيير كذا والا هم الاطفااااال زينه الحياااه الدنيا
مؤكد انه مايبي في الوقت الحالي وهي اكيد متشوووقة لضمة طفل
وغيير كذا الايام تجري وعمرها بيقضي وهو الله اعلم متى يبي عياال منها؟؟

رأيي من رايها الا اذا كانت تبي ظل رجااال بغض النظر عن مساوئه وهي ادرى واعلم بظروفها

الله يختارلها الخيره المباركه ويوفقها لخير الدنيا والاخره

اختك ماهي صغيرة في العمر يعني على ابواب الثلاثين ومطلقة ايضا
فلن يتقدم لها الا رجل متزوج
والخاطب عمره مقبول .. وبما انه رجل كفء فالاولى الا تفوت الفرصة
ثم ان الله حلل التعدد فلماذا تحرمه هي؟؟؟؟

خلوها على راحتها لا تغصبونها عشان ماتلومكم بعدين