روتينك في بيت حمولـــتك !!!

مرحبـــــــــــــــا بنات .....
مرعلى زواجي و سكني مع حمولتي بضع سنين ,ومع ذلك لم أوفق إلى الآن لروتين حياة يريحني.....
إلى الآن لاأعرف مالوقت المناسب لإرتداء ملابس البيت أأأ( قصدي الغرفه ) من بناطيل و شورتات و فساتين قصيرة .....و لا أعرف متى أرتدي ملابس اللي أطلع فيها لحمولتي (ملابس حشمة ) ولا أعرف مالوقت المناسب للطلعة من غرفتي أو العودة إليها و مالوقت المناسب للخروج من البيت بكبرة
وبعدين هل لازم كل ما جتهم حرمة تزورهم و لو نصف ساعة ارتز معهم و أصب القهوة !!!
<<<<<ببببببببببخخخخخخخخخخخخ قلبت عامي ما أعرف أبتل أتحدث باللغة العربية :42:

المهم حياتي صايرة حوسة كل يوم شكل مرررررررررة تلقوني علطول برا غرفتي يترجاني زوجي تكفين ادخلي الغرفة الغرفة ومررررررررررررررة ما يشوفون وجهي يصير أحيانا عندي شغل أو مالي نفس يقوم رجلي يترجاني تكفين اطلعي خستي في هالغرفة ....
ولا عاااااااد قصة الملابس في اليوم أغيــــّــــر عشرطعشر مرة تلقوني لابسه بنطلون و بودي تقوم خالتي تناديني أقوم أنقز و أغير و ألبس تنورة و بلوزة و أطلع أشوف وش تبي ثمن أرجع للغرفة أقوم أرجع ألبس البنطلون عشان أرتاح و ما أحس إني في عزيمة و عشان أستقبل زوجي به لين جا من الدوام, ثمن أكتشف إني عطشانه و أكتشف بعد إن مافي مويه في غرفتي أقوم أنقز أغير و أرجع للتنورة ( اللي اهترت من كثر اللبس و الفسخ )) و أجيب موية ثمن أرجع ألبس البنطلون في غرفتي بعدين أول مايجي زوجي من الدوام ويريح شوي يالله لازم ننزل نتغدى أقوم أنقز ألبس تنورة ثمن نرجع الغرفة ينوم زوجي و أبغى أنوم شوي أقوم أغير و ألبس بيجامه ثمن إذا قمت أغير و ألبس تنورة عشان أروح أجيب القهوة له ثمن ألبس ........:09: تعبت
و لا عاد لين بغيت الشغالة تساعدني في شئ أروح أراقبها أشوف هي مشغولة ولا لا و إذا لقيتها فاضية يافرحتي أناديها (بسسسسسسسس تعالي ) و ما أدري إلا بالصدف خالتي تناديها تبغاها أقوم أقولها خلاص روحي لماما و شششششششششششششششششششششش أنحاش على غرفتي ( الحمد لله كن أحد بيطقني ) عشاني أستحي أخذ الشغالة مع إنه عادي

فا ياليت من الخبيرات و المتمرسات في العيش مع الحمولة يفيدوني بتجاربهم كيف قدروا يعيشون بدون حوسة !!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟