ريد ان استفسر عن نقطة هامة لي،

انا كنت موظفه بشركه لخدمات الويب

واقول الافضل انك تتعاملين مع شركه لها اسمها بالسوق ومشهود لها بالثقه والمصداقيه من عملائها

ولها مقر او مكتب على ارض الواقع بحيث تقدرين لو دعى الامر انك تروحين لهم بنفسك او تشتكين عليهم

وما انصحك ابداً تتعاملين مع مبرمج او مصمم حر لانك ممكن تتعرضين للنصب وبمجرد ما يستلم منك دفعه من المبلغ يعطيك بلوك ويغير ارقامه ويختفي وقتها حتى الشكوى بتكون ضد مجهول او في بلد ثاني صعب الوصول له .

ولعلمك اغلب الشركات يتعاملون مع مبرمج ومصمم حر يشتغل لهم مقابل نسبه من الارباح لكل عمل

هذا وهم شركات كبيره لكن احياناً يتعرضون لنصب من المبرمج او يسحب عليهم ويختفي او يماطلهم او يطلع لهم العمل سيء جداً لا يليق بإسم الشركه وفي هذي الحاله الشركه هي اللي تتحمل المسؤليه اما ترجع فلوس العميل وتعتذر منه او تبحث عن مبرمج ثاني يخلص المشروع لهم

عشان كذا انصحك تبحثين عن شركه هم يستلمون الفكره والتفاصيل منك ويدرسونها ويتعاملون مع المبرمج والمصمم بطريقتهم ولا تخافين من سرقة الفكره لان بيكون بينكم عقد يضمن حقوقك وشروطك

واهم شي قبل لا تتفقين مع اي شركه ابحثي عن اسمها بالنت وبمواقع التواصل اذا عليها كلام نصب وشوفي اعمالهم كيف جودتها واقرأي الشروط والبنود اللي بموقعهم بخصوص البرمجه والتصميم والدفعات الماليه لان للاسف اغلب الناس يسجلون في مواقع وما يقرأون البنود والقوانين اللي مذكور فيها كل شي وممكن تستخدم ضدك كعميل

مثلاً بعض الشركات يكتبون في البنود انه في حالة تم الاتفاق وتحويل دفعه من المبلغ ثم تكنسل العمل من طرف العميل يكون ماله حق يطالب بالمبلغ المدفوع لانها تعتبر اتعاب للمبرمج والمصمم اللي بدأ بالعمل

واعرضي الفكره على افضل 3 شركات وشوفي كم الاسعار والمده المتوقعه لتنفيذ العمل ثم قرري اي شركه تتعاملين معاها