يارب كل واحده تقرى الموضوع تكون بألف خير وصحه وسعاده
النهارده الوصفه ريش ضاني مشويه في الفرن مع البطاطس وعصير الرمان ..
من لذتها وطعامتها هتنسي الدنيا ومافيها
نبدأ: بسم الله
اولا تجيبي كيلو ريش ضاني
تتبليها بالاتي:
2 بصله مفرومه ناعم + معلقه ثوم مفروم + نص معلقة حصالبان(روزماري) مجفف + معلقة بابريكا(فلفل حلو مطحون) (وممكن تستبدليها باربع معالق معجون فلفل أحمر حلو او صلصة الفلفل الاحمر الحلو.. خطيره مع المشاوي والضاني) + معلقة حبهان مطحون + رشة قرفه
وقلبيها مع التتبيله.. وممكن تسيبيها فتره علشان تتبل كويس
ضعي صينيه على النار لغاية ما تسخن ورصي فيها اللحمه
بحيث انها تتحمر من الجانبين بدون اضافة اي مواد دهنيه لاسمنه ولا زيت .. بهذا الشكل
ضيفي لها شوية ماء وغطي الصينيه وهدي النار واتركيها حتى تستوي:
وقبل ماتستوي بفتره بسيطه(بعد ثلث ساعه تقريبا) ضيفي لها البطاطس والطماطم المكعبات والكميه حسب رغبتك
ولما تستوي البطاطس.... حضري كوب عصير رمان مصفي وضيفيه للصينيه
وبعدين دخليها في الفرن (شغليه من فوق ومن تحت) لغاية ماتتحمر الريش ويبقى لونها رهيييب
قدمتها مع مكرونه اسباجتي بالزيتون والزعتر:
وبالهنا والشفا
اتمنى تجربوها وتدعولي