زعلانة ومو عارفة كيف أتصرف

السلام عليكم
كل عام وانتوا بألف خير وصحة وسلامة
انا يابنات فيني غصة وحزن عميق ماقدر اتكلم مع اي احد حتى اقرب الناس.
سبق وكتبت موضوع اني شاكة بزوجي
ولكن ما املك دليل.. احيانآ اطنش واقول وساوس
وأحيانآ ما اقدر استرجع الأحداث واحس نفسي غبية اني اتجاهلها.
لحد ما بيوم من الايام شفت بجوال زوجي كاتب بيت شعر غزل.
انفجعت واستغفرت ربي ولا فتحت التطبيقات ولا فتشت بالباقي.. وهذي غلطتي
المفروض اعرف لمين وليش راسل وليه العلاقة معها بالذات.


لكن صراع في داخلي بين اني استمر بالتفتيش واكتشف السر وبين ترك هالشي حتى ماينكسر قلبي زووود
وفعلآ تركت التفتيش... ولا واجهت زوجي
انا من النوع اللي ما اعبر اكتم كثييير
مر شهر ع الموضوع وتعاملي مع زوجي طبيعي.
ومن وراه ابكي بكاء مر


لحد ماقررت اواجهه.. وفعلآ واجهته باسلوب
وبكل هداوه واتبعت طريقة كلمني عنها استشاري علاقات اسريية.
والحمد لله.. ماعصب علي بس اتفاجأ مني اني عرفت وساكتة
وتفاجأ ماعرف يرد ولا علق بأي شي.
حاول ينكر... المهم انا طلبت منه يوعدني يحذف حسابات البنات ولا يضيف اي بنت وهو وافق
ووراني جواله..
طبعآ لايزال جواله فيه الرقم السري.
المهم وين المشكلة؟
المشكلة اني بديت استرجع مواقف كنت شاكة فيها لكن الان صار شكي اقوى.
لما سافر ولا رد علي... لما طلعنا ومرت بنت قباله بالضبط وجلس يناظر فيها كأنهم متواعدين
وغيره وغيره....
فاتحته بعد ما نهشني الشك... ولكن للاسف تم صامت ورفض يعترف بشيء
وبنفس الوقت ما اقنعني..
ومرت الايام ورجعت معاه علاقة طبيعية ومن وراه برضو ابكي لحد مايتورم وجهي.
كلمت الاستشاري مرة ثانية وقال لازم تعبرين عن غضبك وزعلك..
انا الان صار لي ٥ ايام متغيرة على زوجي اقوم بواجباتي على اكمل وجه. لكن بدون ابتسامة صرت ثقيلة ما افتح مواضيع ولا اشعر بالفرح معاه شعور جامد
هو حس لي وسألني عن سبب الحزن اللي باين في وجهي
قلت مافي شي عادي
كل يوم نفس الاجابة
لان لو جاوبته راح يقلب الموضوع علي ويقول عني نكدية واحب المشاكل والزعل.


انا يابنات حاسة اني عطيته اكبر من حجمه في السابق
اهتمام ودلال ودلع كل طلباته مجابه والان مصدومة
ومحطمة من الداخل.


انا مو عارفة كيف اتصرف. وكيف اتعامل معاه.
هل استمر بتعاملي الجديد؟
واظل عليه
الى متى؟؟
مو يمكن يمل ويصير عنده زعلي عادي
او يمكن يحس على دمه؟
هو ناوي بعد ازمة الكرونا يسافر
وهذا اللي مزعلني زوود


عذروني طولت عليكم..
لكن جد مو عارفة اتصرف معاه