زواجي بينتهي قبل لايبدأ الحقوني مصيبة

السلام عليكم

خواتى محتاجة لوقفتكم ويايه مثل ما عودتونى كل مره احتجتلكم فيها

انا في ورطه ما يعلم بها الا الله سبحانه ومحتاجه لدعوة صادقه منكم

انا سبق وتقدملي شخص من اقاربنا من بعيد ,, وحصلت مشاكل بين اهلي واهله وماتم الموضوع حتى كتبت السالفه هنى فالمنتدي والحمدلله خيره وانقاذ من الله ان ما تزوجت واحد مثله وبتعرفون ليش..

وهالكلام من 8 سنين ولكن هالشخص ظل متعلق فيني ويتبع اخباري من اخته اللي هي صديقتي

ويتلزق بأخوانى الصغار يوم يشوفهم فالمسجد ويوصلهم ويتلزق فأبوي علي امل انه يهدي النفوس وما ارتبط للحين

انا بصراحه ما ابغيه لأن سلوكه واخلاقه مشكوك فيها وراعي سفرات ومراقص واكتشفت ان الصلاة اللي كان يخدعنى فيها ويروح يعتمر مجرد مظهر اجتماعي استغفر الله ..

المهم من فتره خطبني انسان محترم وخلوق وتمت الخطبه عادي والكل مبسوط ومرتاح
ووووووووووووين المشكله ..

البارحه اتصلي خطيبي يقولي انا عند بيتكم انزلي بعطيج شي وما كان في حد فالبيت الا انا والشغاله
نزلت وحسيته معصب قالي بسألج سؤال وجاوبيني انتى تعرفين فلان؟؟؟ (اللي هو خطبني قبل)

انا سكتت لانى انا كنت متردده اقوله ولا لأ وكنت ببدا صفحه جديده فحياتى
وماحسيت ان شي مهم انى اتكلم عنه لانه ما يعنيلي اي شي وكل تركيزى فخطيبي الحالي

وقبل ما انطق ولا اتكلم مسكني من شعري وكان معصب ودمه يفور
قالي اذا ما تكلمتى بتشوفين شي ماشفتيه

انا الصراحه خفت اولا الموضوع مو مستدعي كل هالشي
وثانيا قلت بقوله اللي عندي عشان ما يشك فيني

فقلت له الموضوع كذا كذا وهدي نفسك يا ابن الحلال
تخيلوا الصدمه...

طلع النذل اللي خطبني والحمدلله الله ما كتب
يشوه سمعتى لما عرف انى انخطبت ويتكلم عنى عند ربعه فالمجالس ان هو اللي ما يبغيني لان سمعتى مش اوكي ..وكلام كثير يعور القلب بالذات اني مظلومه والله العظيم ماسويت شي ولو انا مثل مايقول ليش يبغي يخطبني ومحاولات من سنين ويبغي يخرب عليه؟؟؟؟؟؟؟؟؟؟؟

الحين خطيبي سكت عن الموضوع وقالي لا تخبرين اخوانج لاتكبر السالفه وتصغريني في عينهم
وقالي مافي طلعة بروحج حتى لو رحتى الكليه الشغاله وياج خذيها وردي علي بكل دقيقه اتصلج .. كأنى انا خنته وهو مو متأكد الله اعلم شو قاله الوقح الحقير

انا مابغيت اكبر السالفه ما فهمت شو هالشروط يعنى شو ذنبي اذا انسان مايخاف الله وماعنده ضمير زرع افكار غلط في راسه واناحسيت انه مجروح وقلته لو تفسخ الخطوبه (الملجه) بتفهم لان معاك حق هو احرجك ونزل راسك لكن انا ماخبيت عنك سالفه الخطوبه اللي ما تمت الا لاني حسيت انها تافهه وكم واحد خطبني وماصار نصيب ومحد تكلم ولا شي , عادي سالفه وراحت لحالها

انا بلتزم بشرطه ومداومه عالاذكار ان الله يبعد هالشيطان عنى ويشغله بنفسه وبأهله لأن سمعة واعراض الناس مو لعبه والله انى ادعي عليه بحرقه فصلاتي :44:

ادعوا لي دعوة صادقه ان الله يفرج هالمصيبه ويستر علي وعلى كل بنات المسلمين
بس ابغي دعوة منكم واذكري اختى اذا دعيتيلي بيكون لج مثل ما دعيتيلي
واللي عندها ادعيه ممكن اقولها تحطهم جزاها الله كل خير


السموحه طولت عليكم
لا تتركوني نفسيتي تعبانه