زواج أخويا قريب ومحتاجة فزعتكم

السلام عليكم يا أحلى حوائيات


الموضوع ومافيه انو زواج اخويا بعد شهر واحنا مرررة محتاسين ومحتارين في التجهيزات :06:
أول شي عندنا المعجنات وضيافة الطاولة : ممكن تدلوني على محل اسعاره معقولة ومعجناته وشوكولاتته طعمه ؟
أنا سمعت عن محل البيت الجديد بس مادري كيف اسعارهم ممكن اللي تعرف تقولي الله يسعدكم يابنات

الشي التاني ابغى افكار للضيافة بس ماتكون مكلفة زي الحلويات اللي تتوزع ودي الاشياء .... يعني بصراحة اكتر مبلغ ممكن ادفعه لتوزيعات الضيافة 1000 ريال واحنا معازيمنا تقريبا 500 شخص ولو فيه شي اقل اكون شاكره ..
يعني لو تعرفوا ارقام حريم يسووا اشياء زي كدا أو محلات تسوي اشياء غريبه بسعر معقول غيييييير الكب كيييييك اللي رجونا فيه صار في كل المناسبات يوزعوا كب كيك .. هوا صح طعم وشكله حلو وخيالي بس خلااااص أحسه مرة صار يتسوى كتيييير

يلا حبايبي استنى ردودكم الحلوة ومساعدتكم
الله لا يحرمني منكم ساعدوني ترا مالي غيركم
وألف مبروك لكل العرايس والعرسان:icon28: