زواج ابووي وخوووفي من الجااي :(

السلام عليكم


انا مثل مانتم عارفين امي منفصله عن ابوي من حوالي عشر سنوات ومن زمان ابوي متزوج وحده على امي واكبر عيالها بالثانوي المهم مرت ابوي هذي طوول الوقت زينه مع ابوي ومدللته الا بسنتين الاخيرات ماعاد تتحمله ومرره كارشته ويقولها ودي اتزوج وتقوول رح تزووج

والحين ابوي له كم سنه يبني بيتين لنا ولهم

الش الجديد اللي صاير اللحين ان ابووي نوى يتزوج وحده ويحطها بيتنا طبعا انا عندي ثلاثه اخواني عيال اكبر هم عمره 24 واصغرهم 15

وخطب وحده عمرها 28 بنت وافقت بس انا مرره قلقت وضاق صدري خفت ماتصير حليله وبنفس الوقت ودي تخف عني المسؤليه وهي تشيل البيت لان البيت مهما كان يحتاج حرمه ويمكن خيرة لنا

ابوي شرط اخواني

وانا من يووم قالي ابووي والافكار تجيبني وتوديني

وابووي من اول وهو كان يقول ابي اخذ وحده ماتجيب عيال بس حرمه تقعد معه وكذا يعني قلت له يبه هذي صغيره واكيد تبي عيال يالله برحمتك ماتنلام صغيره بعد الله يرزقنا وياها

ومرره اخااف اقوول يمكن يصير البيت لها ولعيالها واخواني يتمرمطون ويتشتتون

والله اني ماادري دخت يالله ياربي ترحمنا وتصلح حالي اناواخواني وتكتب لنا الكتبه الطيبه

طيب اللحين وش رايكم وش اقوول لابوي اشجعه لانه حتى هوو يرحم بيرتاح ويستقر ومرته منكده عليه ولا اقوله وش تبي بالعرس واقووله ان حنا مانبي احد معنا

شوروا علي تكففوووون احس اني ضايعه وانا احس اني كبيره عمري 23 مانيب فاضيه اتحمل مرت ولا ودي اقابلها مرره مكتئبه وضايق صدري




ادعوولي الله يرضى عليكم ويبارك لكم بهالشهر الفضيل :(