زوجة اخويه النونو

الله بلاناء بمرت آخوو ماتحشم احد وبزر اول شي ملابسهاالي تلبسها كله ياقصير ياشفاف
ماتلبس مستر الا بالعزاء و عندنا عيب واذا كلمناهاتقول زوجي سامحلي وانا الحمدالله نحيفه ووبيضاء ولايق عليه الواطيه
وزوجها اذا كلمناه يقول خلوها البنت متعوده و هي قبيليه مثلنا ،ويقول زوجتي صغيره مع انها مو صغيره ، الان سارت ام عمرها 21 ، وفالحه بس تتمدح بشكلها الخايسه كل مجات تجيب لبس مختلف مع اننا مو اغراب احناء نطلع عليها بقمصان البيت وهي لا !!
وبس هياط العطر الواحد ب 300 مع انه اخويه مو مره راتبه اقل من عادي
ولمن تاجي اخويه يتغير يطرد كل اخواني بر البيت ويقفل عليها ويقول اخواني عيونهم طويله وهم مساكين هذا بيتهم هي الدخيله ، شي طبيعي يدخلون واذا جات تطول تجلس يمكن 6 ساعات واحناء نعتبرها مننا اذا جات مانقدم شي يقوم زوجها ليش ماجبتوو لها شي تشربه ،
ويروح يشتريلها قبل مايجيبها عندنا كان بيتنا مافيه شي ، ولمن تصلي المفصخه احناء بيتنا مفروش ميحتاج سجاد قامت تصلي الا ياجي زوجها البزر ينزل شماغه ويفرشه لها قدام امي واخواتي ماعاد في مرجله
ولمن تاجي تآكل معانا على طول تروح تجيب لها ملعقه بنت الملوك ، وتاجي عندنا تناظر فينا وتحاول تجبرنا نروح معاها الملاهي الورعه البزر !
وتترجانا نروح الملاهي خير تخيلوو اشكالنا بنات مخترمات بالملاهي واذاانشغلنا وتركنها لحالها انا واخواتي ونروح غرفتنا وتجلس كانها جني وياجي زوجها يسوي مشكله زوجتي ليش لحالها طيب زوجتك بزر حتى هروجها حقت بزران
ولمن تحظر معانا عزايم متجلس مثل الخلق لا تقوم تسولف مسويه اجتماعيه وفي ناس مانبيها تسولف معاهم وعلى طول تاجي عندنا تسولف انه يسئلونها عندك اخوات ولا لا ، يعننهم معجبين بوجها ،
حتى كلامها يبنات ماصخ مايع وبكايه من اي شي تبكي مره شغال التلفزيون على احوال سوريا والاطفال وكذا وحناء نتغداء وابوي جالس وزوجها جالس قامت النونو تبكي وقام زوجها الخروف يسكت فيها وزوجها بكيفها فيه لكن حتى ابونا تقوله بابا، مع انه احناء نناديه ابويه ، واذا نادها تقول آمر يابعد حي مع انه هي لهجتها ماعندهم كذا كلمات بس تسوي فيها انه انا اتكلم مثلكم ، وابويه يقول ماشاء الله ويعجبه ، وحتى لمن تاجي عندنا ابويه سار مياخذ راي انا واخواتي ولا امي بالغداء اذا من بر لا يسآلها ، هي وهي على طول ها بنات وش تبون الي نفسكم فيه مسويه تحبنا الكذابه ، والان لناء منها سنتين ماعاد تاجينا لان زوجها يقول انتم ماتحترمونها مع انها كذابه الله لايوفقها خرابت البيوت والمشكله حتى اخونا ، ماعاد يزورنا الا نادر وماعاد يطلعنا ويخدمناء مثل قبل كيف نفهم اخويه ان زوجته ماتستآهل الا هوا يسويه فينا يبنات قهر تاجي بنت ابليس تغير اخوك عليك