زوجه ثانيه

قصة صديقتي تزوج عليها زوجها قبل سنتين كانت تحبه وتعشقه عشق مو طبيعي لدرجة تقول اذا جينا من مشوار ماادخل الشقه قبله لازم هو اول يدخل البيت متعلقه فيه تعلق مو طبيعي فجاءه كذا حست ان زوجها تغير عليها تقول راحت تراقب جوال زوجها شافت علوم انه متعرف على بنت من موقع زواج وكبير بالعمر وزوجها صغير ببداية الثلاثينات وهي بالاربعين وتقول مدري كيف ضحكت عليه وجابو راسه تزوجها والكل كان مستغرب وماهي حلوه بعد وسمينه وأكثر منه ويقول لزوجته غلطه بعدلها وفتره بطلقها وكانت المسكينه مصدقه عبالها بيطلقها تغيرت شخصيتها صارت انطواييه راحت ضحكتها فرفشتها انعزلت عن الكل وكانت تقول مابزورها ولا ابغى اتعرف عليها صار يراقب واتسها مدخل برنامج والحريم يقولون لها لاتتعرفين عليها ولا تزورينها عيشي لنفسك ولبناتك اتركيه طنشيه انقهر هو يبغى يشعللها بين الحريم يبغى يتهاوشون عليه المهم راح كسر جوالها وقال ماتتواصلين مع اقاربك وتركت البيت لمدة ٦ شهور عشان متسلط عليها كل شي لها ممنوع يبغاها تطارد وراه وتزور الثانيه عشان تغار وتزيد غيرتها وكل وحده تتنافس عليه هي مافهمت مقصده من البدايه ورفضت رجعت الحرمه طبيعيه ورجعت زي قبل شوي شوي استعادت قواها وصارت تطنشه وماعاد تهتم فيه صار يقول لازم اكلمك اذا عند الثانيه اتطمن على عيالي وتقول يكلمني فديو اشتقت لكم ولعيالي وهو بس حاط عليه شرشف وعلى السرير وفيه آثار روج على خده وشكرا من عنده يقول اشبك ليش ذكرتي تقول قلت غرفة النوم خصوصيات لاتكلمني فيها قال ابشري بروح الصاله تقول يوقف وواضح انو مو لابس لبس من فوق زمن تحت لبس فضيحه يتعمد يقهرني تقول اذا طنشته يسوي مشاكل واذا جاريته يقهرني؟
ويلعب حتى على الثانيه يسوي فيها حركات اذا جاء عند الأولى لاعب فيهم لهب وبذات الأولى متأثره لان م توقعت زواجه وكانت تحبه كثير عكس الثانيه جرحها اخف لانها عارفه انه متزوج
غصبهم باالقوه يزورون بعض ضحك على الاولى قال بنتمشى وتقول وقفني عند باب بيتها الثانيه بيتها بعيد شوي
ونزل عياله تقول تأخرت بالسياره مابغى انزل جاء ويقول انتي ليش كذا انتي ام عيالي انتي الغاليه محد يجي مكانك تقول لدرجة يبوس يدي انزل ونزلت وجاب لها ذبيحه عشان نزلت وتقول بعد ماتعشينا قلت هيا قال لا بننام وتقول حط العيال بغرفه وزوجته بغرفة نومها وانا بغرفه وتقول شوي يجلس عندها وشوي يجلس معاي ويتغزل فيني ببيتها
تقول احرجني احراج ف بيت الحرمه وتقول هي زعلت لاني نمت عندها وحقدت علي لان تشوفه يسولف معاي ويضحك ويسوي هبالات وكان يوم الثانيه من طلعت بيتي يبغى يجي عندي يصرف الثانيه يقول عندي زواج بكره وهو كذاب بينام عندي عليه اكاذيب والاعيب عليهم انا كرهته من كلامها عنه وحسيته اناني انصحوها كيف تسوي معاه برسل لها ردودكم
المشكله يجيبها بكلمتين ويبوس يدها ويترجاها وتحن عليه