زوجي

بنات موضوعي من شقين : أريد أعرف هل تحبون أزواجكم أو لا ؟ و ليش؟ شو الصفات الي فيه تخليك تحبينه؟ و متى تكون الحياة مستحيلة مع الزوج؟ هذا أول شق من الموضوع
الشق الثاني هي مشكلتي: بنات أنا صار لي متزوجة من أقل من سنة قبل الزواج كنت أحس أن أنا مو فارسة أحلام زوجي...خطبني بدون ما يشوفني لأن نحن مو عندنا نظرة شرعية هو طلب الشوفة بس أبوي رفض...صارحته لما كنا متملكين إذا مو يبغاني يتركني بس هو قال ان ما يصير يحرج نفسه و يحرج أهله و هو مو قالي بصريح العبارة أنه مو يبغاني...بس كنت حاسة ..قبل الزواج (العرس) كان يقلي أني أنا أحتاج اطلع و ارفه عن نفسي لأن يحس أني في اكتئاب و وعدني بعد الزواج أنه يطلعني و يسفرني حتى نفسيتي تتغير....بعد الزواج ..هو طيوب و يساعد أحيانا في أمور المنزل..بس اكتشفت أنه ما يحب يصرف على البيت ...لما نروح الجمعية أو السوق أحس أنه مو يريدنا نصرف كثير و على هذا الأساس كنا نشتري بس الأشياء الضرورية جدا....بس هو يحب يصرف على أغراض لغير بيتنا سواء لبيت أهلي أو أهله....لما كنا نطلع طلعاتنا مملة و ما نطول في الطلعة و بعدها شوي شوي صرنا مو نطلع مع بعض أكثر طلعاته مع أصدقائه يحب الطلعة معهم و أنا اكون في البيت رغم اني طوال الأسبوع أكون في الجامعة و ما نتقابل أنا و هو الا في الويكأند....و صار يهيني كثير في شكلي هو يتطنز على شكلي بأسلوب المزح و الضحك و لما يقول شي عن شكلي أنا أضحك لسبين أولا أسلوبه مضحك و بعدين من شدة مو أنا مجروحة و الله كلامه جارح جدا جدا ...خلاص أنا تأكدت من احساسي أنه هو مو يبغاني كزوجة بقت نقطة هو كثير يقدر جمال الشكل و يحب يطالع في طلعاتنا الجميلات ...بس أنا أشوف نفسي جيدة من ناحية الشكل و الأدهى أنه مرات يمدح بنات أحس أقل مني جمال...المهم هو أحسه مو يريدني لأنه مو يشوفني جميلة ....أنا مو ميتة فيه و مجروحة منه كثير و رغم كذا أحب أنه يعيش مرتاح حتى و لو كان مع غيري نفسي هو يعيش الحياة إلي يحبها و مع إلي يحبها ...كيف يتحقق هذا الشي.. و بالنسبة لي كيف أقدر أنساه و مو أفكر فلي يسويه معي و أعيش حياتي مرتاحة البال..ترى على فكرة رغم أن كثير يجرحني إلا أنه ما يحس بأي ندم على يقوله و تحسوا أن الكلام طالع من قلبه