زوجي الشكاك

السلام عليكم ورحمه الله وبركاته
انا تزوجت من ولد عمي بعد قصه حب طويله من ايام الطفوله زوجي امه متوفيه وابوه متزوج ومع زوجته عايش عند عماتي لاحسيب ولا رقيب ولا ذاك الحب والاهتمام هالشيىئ اثر بشخصيته وبثقته بنفسه
صار للاسف متعاطي
بعد كم سنه شفته وكلمته وكنت طالبه الاذن من اهلي وكلمته بجوال اخوي وحمد لله انصلح حاله 180 درجه حس بأن احد يبيه ويحبه وتغير وو وللاسف تطورت وصارت مكالمات بجوالي وحنا عائله محافظه هومتربي معانا بس يوم كبرنا خلاص صارت الحدود والعيب والحرام
انا يوم كلمته مو راضيه بوضعه مو راضيه بحاله ماشفت من ينصحه ماشفت من يوجهه انا عارفه بمكانتي عنده
يشهد الله اني ماقد كلمت رجال بجوالي او راسلت او علاقات مشبوهه ابد ابد ابد وذلك خوف من الله وبعد ماكلمته كان قرار الزواج منه وليس علاقات وتسليه
وقبل مانتملك كلم مره وقال وش هالصوت الي عندك وانا ماعندي احد قال لا عندك رجال
انا انصدمت وانهيت كل شيىئ وتفاجئت باخته زايرتني بهديه واعتذار وفتحت صفحه جديده وقلت يمكن صادق وخصوص ان فيه مس وانا شفت هالشيىئ بعيني

وبعد ماتزوجنا بدت المشاكل انسان عاطل متفضي لي بالطالعه والنازله شكاك درجه اولى كل يوم مصيبه وكل يوم عند اهلي وكسر جوالي بدون سبب
اخر شيئ تطلقنا هو يحبني حب جنوني وللاسف جنن بي وغير كذا لسانه طويل وسليط ويلعن اهلي ويلعني
واي تصرف اسويه مريب ونا غامضه

يشوف فيني شيىئ الناس ماتشوفه انا مامدح نفسي بس فلاويه احب الناس واهتم لهم ولو على حساب نفسي احب اهلي ولو ادري فيهم شيىئ من لحظتها عندهم وهو مايقصر عن اهلي يخدمهم ويستقبلهم ويراعيهم
ويخلص مشاويرهم بعد طلاقي تخرجت وجابت امي وخواتي لي هدايا وحفله :nerd: وحطيتها عرض هو ماصدق جى عند ابوي وقال اني ماخذه هدايا من شاب وانا ولله بريئه من هالفعل وابوي انصدم من كلامه وجاي بسلاحه يبي يذبح هالرجال وخذا سلاحه منه ودعيت بحادث لمن ظلمني لانه قال انه جايه كلام والحادث صار له هو للاسف صرت ماحترمه انواع الاهانه له بالي سوواه جنن فيني كرهني بالحياه ماعاد عندي ثقه بنفسي وانا شخصيتي قويه واتكلم بكل ثقه وللاصف صرت اشقلب الحروف وعندي تأتأه وماثق بنفسي ودايم ابكي
قعدت كم شهر مطلقه ونفسيتي زفت ويوم درى اني توظفت انجن جنونه ويبي يرجعني بالي هي به واتهمني اتهامات انا بريئه منهم وجى لعند ابوي ابوي رفض يرجعني اخواني صاروا يكرهونه يقعد بالساعات عند بابنا وهالشيئ ضايقهم اكثر ترى انتي مو اختنا لحالنا وسالفه الطلاق ترى مني واعترف مالها دخل بالشك و الغيره
وطلقني مره ثانيه ومادري ليش وكل شيىئ انتي تحرمين علي انتي تحرمين علي لو سويتي وماسوي وبعد ماشتغلت رجعت ثقتي في نفسي ورجعت صحتي ورجعت ضحكتي الا من حزن داخل عيوني والكل شايف فقدته بشكل لاني للاسف احبه فقدت اتصالاته سؤله اهتمامه فقدت الحب امي حبيبتي حاولت تعوضني هي وخواتي ماقصروا ماحد قد عيرني وعاب علي كانوا ومازالوا يخافون علي والحمد له الا ابوي والله لايوريكم وحمد لله يكفيني من هالدنيا قلب امي ورضاها ورحت لمحكمه وشفته وتلعثمت ونسيت كل شيىئ
ورجعت علاقتنا وهو مسترجعني بكلامه لشيخ وبدون علم ابوي واخواني بس امي وخواتي وزعلوا مني زعل وانتي دخلتينا بمشاكل ودرى ابوي بعد فتره وقال ليش دخلتيني محاكم دامك بترجعين قلت انتوا رفضوا راجع من البدايه والحين انا الي اقرر وتغير وترك الدخان واشتغل واستاجر شقه وبدا ياأثثها وقلت بساعدك
ورجع لرياض ورجعت مشاكله وشكه مره مرسله تسجيل لعيال واليوم يقول انتي طالعه مع عيال وطلي من فوق السطح ولا انزليلي اتاكد انك موجوده ابوي وافق ارجع له اتفق معاه على وظيف ورضاوه وجوال بدل الي كسر وهو وافق والان متغيب من شغله 3 ايام وش رايكم فيه وش الحل انا صرت ادعي عليه بالموت اكررره اكره تصرفاته بس اقول انا ابي >اطفال بموت ويكون عندي طفل ابي استقر تعبت
بنات وش الحل اعطي فرصه او اجمع المهر واشتري رقبتي


عيوبه الشك والكذب والظلم ولاستهتار ولكن لاهو راعي حريم ولا سفرات ولاسوالف بالجوال وشبه بيتوتي ويحبني بجنون دلوني على الصواب وترى امي وابوي من جوه مو راضين برجعتي

وامي تبكي وتقول يابنتي زوجك زي ماهو مع اني ماقولها شيئ من مشاكلي ولاحد يدري من اهلي لاني خذت عهد على نفسي ماتكلم ابد ابد لو رجعت يكفي مشاكلي الاولى

وترى زواجنا كله على بعضه 5 شهور قسم لاحد قال عروس اطالع فيه بعجب وخللاهم ضربني مرتني وكل اسبوع هووشه وانا وحده لساني طويل وماكتم بقلبي ولو لعني لعنته غصب عني وماحترمه ابد ابد
بنات



اطلب طلاقي نهائي واتحمل كلام الناس ونظراتهم الي جربتها 9 شهور او ارجع له واتحمل شكه وغيرته