زوجي العزيز الى متى

السلام عليكم
كيف حالكم بنات
اكلمكم وزوجي بالتوقيف
زوجي دوم هو لعبة الكل
زوجي مدري اقول شهم ومايرضى بالغلط ولا مجنون
خالته ترملت من زمان وتزوجت شايب عمره ٨٠ وهي ٥٥ سنة من اربع سنين
تزوجت لانها ولدها متزوج وبناتها متزوجات وبناتها حبو يزوجوها عشان تشوف حياتها وبعد تصميم وافقت
قعدت معاه ترعاه وصبرت على قرفه وبخله وقرف بناته وعياله
البنات يلعبون بعقل ابوهم يطلقها من زمان خوف من مقاسمتهم الورث وخصوصا بنته الكبيرة
ونجحت المحاولات اخيرا
اول امس اتصلت على ابنها الوحيد وراح يشوفها ولا مطرودة من الباب ياعزتي لها
شايلين عفشها ب اكياس زبالة ويرمونه قدام ابنها واخذها
راح روى السالفة لعيال خالته ومنهم زوجي
ويروحو عندهم للشباب بطلب من اخو زوجي الكبير
كانت الروحة معاتبة ليه قلة الاصل هذي حرمة بمقام امكم ترموها برا واحد من العيال ضربها ودفها برا البيت والاخوات يسبونها والاب يناظر تطورت لهوشة بينهم وشتايم وخصوصا لي دف الخالة برا كان اكثرهم شر وعلق مع زوجي هو لسا فرخ صغير عمره ٢٦
وامسكه يازوجي وانزل كف يلحقه كف ورفس وضرب ودف وتاريها بالتوقيف والولد مشتكي عليه وراح للسجن وعلى اساس يطلع بكرى بعد ماتدخلت الناس
والله هذي السالفة كلها بدون اي تبهير او قص بحرف وربي يشهد علي اني ماكذبت بحرف
انا مدري ليه هو كذا وليه عقليته كذا
ليه ضربت الرجال هالضرب صحيح انه كان مستفز بس بلد فيها قانون تاخذ حق الخالة بالقانون
ليه هالتهور هذا
هو والله طيب كثير ومافي منه زوج واب مثالي بس مشكلته عصبيته يوم يستفزه واحد يقلب عليه الدنيا
ودوم علقته تكون مع ناس قليلة ادب وماتحترم
قبل شهرين ابني يفتح السيارة وجنبنا سيارة ابني كان بيضرب باب السيارة حق الرجال وذاك صار يدف ولدي بقوة ويقوله الباب وخر عنه لاتحك الباب
بدون انذار كان عقال زوجي يسلخ بالشاب ونزل سب فيه كل سبة معها سلخة عقال
وراح ضربله باب السيارة عناد فيه وطرده
ومرة كان بيصدم مع واحد بالحارة وهم يرجعون سمع الرجال يقوله يلعن امك مدري ايش صابه يومها رجع بسيارته وصدم فيه بكل ما اوتي من قوة كسرله السيارة ونزل كسره معها وكان رجال كبير هذا الموقف عالق فيني من ٥ سنين
وغيرها مواقف بالبنك وبالمطار وبالمول وبالمستشفيات
مو كل مرة تسلم الجرة اخاف عليه من الناس احد يأذيه ولا يتورط بواحد
الناس يفكرونه راعي شر والله بنات كثير يسالوني كم مرة ضربك وهو مامد يده ومايصدقون
حتى الكل يتصل وداري بالسالفة ماعاد رديت على اتصالات الناس
اقسم بالله صرت اخاف عليه وعلى نفسنا جربت كل الطرق وساعات ادرس فوق راسه
قالي ياها بالحرف ما اقدر عيني يوم تشوف الردية عقلي ينفصل
هو يندم كثير بعد مواقفه بس يرجع لها مافي حل معه الله المستعان بس