زوجي ال👞

السلام عليكم
بنات زوجي من النوع الي يتحكم وانه هوه الصح والعالم كله غلط
دايم يتمسخر فيني ويسبني ويقلل احترامي وساحب علي
واعديها واعديها
ولدي مرض ووديناه المستشفى جت الدكتورة تسالني ايش
اعراض مرضه ابغى اكلمها يتكلم هو من ورانا
هو يعتقد اني مااعرف شئ ابدا ابدا
ولازم هو يسوي كل شئ
جت الدكتوره سحبت عليه وكلمتني انا
المهم انا اعتني بولدي ودايم اطبخ له الاكل الصحي وماناكل
الا مره في الاسبوع من برا
قالت الدكتوره السبب معدته واكل ماناسبه
رحنا السياره وجلس يهزء فيني ال👞
وانا ساكته لاني لو اتكلم بنفجر
يقول اني وسخه واكلي وصخ ولا اهتم في الولد
مع العلم اني 24 ساعه جالسه في البيت
مااطلع واسمع كلامه ويومي كله اشتغل وارتب وانظف
واطبخ واذا جلست ارتاح شوي فضحني ال👞
مع العلم اذا دخل البيت وهو مرتب ونظيف ولا حرف يقول
يجلس ينبش ال👞 يبغى يسبني ويقهرني
وامه ال👞 دايم اعزمها هي وبناتها
وقطعت عمري عليهم حتى اذا عزمتهم يفضحني زوجي
يقول ماله داعي كاني انا الي عازمه اهلي
المهم طووول وقتي انا وولدي في البيت توحدنا جالنا المرض
مانعرف الخروج يتعازمون عيال الكلب ولا يعزمونا
واليوم سمعتها تكلم ولدها فديو انه بنتها تبغى تعزمني
وهي قالتلها لا لا تعزمينها ولدها تعبان!؟؟؟؟؟ تتعذر على لساني!
والله يبنات اني بنفجر
انا لما كنت بنت كنت طموحه جدا ورسامه حتى فزت لجوائز
وحتى دايم يقابلوني عميدات الكليه يمدحوني ويقولون لازم تستمرين حتى طلبتني العميده ارسم لها لوحه في غرفتها الاداريه
وحضرت حفلات وكرموني

وكنت ابغى اتوظف
ولما خطبني كتبت في الشروط انه مايمنعني اتوظف
ووافق ال👞
حتى فتره الملكه يقول وريني رسمك وراح اشجعك واوديك معارض
ولما زارني اهديته رسمه تعبت عليها وعطرتها

ولما تزوجته طلع يكرهه الموظفات ولا يحب انه الزوجه تكون موظفه!؟!!!!
المهم سكت الشكوى لله حسبي الله
وحاولت اني اسوي هوايتي الي هي الرسم
لما اكون فاضيه او تعبانه
لما يشوفني ارسم يسب في رسمي ويقول
لا تضيعين وقتك اصلن ذا كلام فاضي
لعبت لعبه على الجوال رفض قال مو راضي احذفيها
تابعت فلام قال لا حرام
تابعت يوتيوبر يتكلمون عن القهوه يقول لاتشوفين رجال
اغني اغاني سبيستون وفيروز لانه صوتي حلو
وانا اشتغل يقول حرام اذكري الله فقط؟!
صديقاتي عزموني وعزمتهم كرهني فيهم ورفض
اشتهي اكل من برا يرفض يجيب الا مره في الاسبوع
واحيانا يجيب شئ يحبه هوه
ويمنعنا من البقاله ولما ادخل غرفته الاقي شاري لنفسه
من البقاله بدون ماندري
وعنده غرفه بالبيت يلعب فيها كمبيوتر ويتابع
طووووول يومه فيها وساحب علي انا وولدي في غرفه لوحدنا
ولا يطلعنا يمشينا الا فيما ندر حتى السوق
واخلاقه سيئه جدا لما اجلس اسولف معه كل كلامه يسب
النسوان دايم يقراء عن النسويات ال👞
حسيته كرهوه في النساء
والله اني كنت جميله وجسمي مثالي وبشرتي مرايه
وبريئه اخلاقي تجنن
غيرني ال👞
وجهي صار حبوب كله يخوف
وزاد وزني مرررره يمكن زدت 15 كيلو
وصرت طول الوقت ابكي وعندي اكتئاب انام ماودي اقوم
هوه وزنه فوق100 ال👞
وانا رغم انه زاد وزني لكن باقي ماوصلت لسمنه
يخاصمني يقول نقصي وزنك صرتي متيه
وكل يوم يسألني عن وزني يقول لا تاكلين
وهوه ياكل ال👞
كرهني حتى في الاكل صرت اكل وانا مهمومه منه
وفوق هذا كله حاط كمرات في الجلسه الي اجلس فيها دايم انا وولدي
يقول اراقب الولد اخاف عليه؟!!!
طلبته اروح لنادي رفض حاولت كذا مررره رفض ال👞قهرني
والله يابنات والله والي خلقني صرت اذا رحت لاهلي او ناس
ماعرف اتكلم وشخصيتي ضعيفه ومهزوزه جدا
ماعندي ثقه في نفسي كسرني ال👞
تغيرت جدا بعد الزواج مررره ماكأني انا الي قبل
المشكله شفتو هذا الكلام كله
هوه ارحم من ابوي ابوي سئ جدا جدا جدا
عشان كذا متحمله لكن احسني بنفجر
تخيلو الحين ال👞 زعلان مني لانه هزأني وزعلت جلست ساكته مارديت عليه
والى الان ساحب علي يروح يتمشى لوحده وانا وولده طفسنا في
ذا البىيت
رغم انه يعرف اننا نبغى نطلع ولده كل يوم يطلبه يوديه حديق
ويصرفه
ومو راضي يجي يصالحني ساحب علي
رغم اني اذا زعلته مانكمل يوم اراضيه
تخيلو انه شافني ابكي وراح سحب علي رغم انه مشكلتنا بسيطه
انه هوه سبني وانا والله اني مارديت تخيلو القهر
تخيلو ماله اصحاب وكثير من قرايبنا يكرهونه حتى بعض اخواته يكرهونه يتمنون له الموت واهله مايطلعهم يمشيهم ولا يقضي
حوائجهم بعضها الاساسيات فقط
فعلا الي ماله خير في اهله ماله خير في الناس
حتى في الدوام احيانا يداوم ويطلع مااحد يكلمه
النفسيه
اقسم بالله اني اتمنى الموت احس بتعاسه جدا ولدي حتى صار دايم
يمرض وطول الوقت على التلفزيون
عيونه تحتها اسود توحدنا يانااااااااس 💔💔💔💔💔
تخيلو انه ولدي صار يفرح اذا رحنا للمستشفى يبغى يطلع يتمشى
🥲💔 واذا شافه فرحان رغم تعبه يقول كذاب مو تعبان
والله اني اكتب وابكي مقهورووره حسبي الله ونعم الوكيل
يارب مالي غيرك يارب غير حياتي للأفضل
ادعولي