زوجي بيتزوج ومحتارة في برودي؟؟؟؟؟

السلام عليكم ياصبايا
بدخل في الموضوع على طول بعطيكم نبذة عن حياتي انا متزوجة لي 12 سنة ولله الحمد عندي خمسة اطفال اصغرهم عمره 4 سنوات حياتي سعيدة ومرة مبسوطة فيها نادراً مايكون بيني وبين زوجي مشاكل لأني من النوع اللي يطنش واذا زعل مايهمني كأنه ماصار شئ لين يرجع من نفسه طبعاً زعل زوجي مايطول نص يوم تقريبا واذا مرررة طول يوم كامل كريم حنون بار بوالديه اللي في يده مو له محافظ على صلاته مايخلي شئ بخاطري الا جابه لي يعشق الاطفال ويحبهم يساعدني في امور البيت اذا طلعت زيارات يمسك اولاده مشبعني عاطفيا وماديا اعطيتكم انا مو مقصرة معه بشئ مرضيته في كل الامور يارب لك الحمد والمنه والفضل...
طبعا زوجي له سنة تقريباً وهو يبي يتزوج الثانية طبعا بس ماكنت اعير للموضوع اهتمام حالياً شرى بيت دورين وعششت فكرة الزواج من ثانية في راسه خاصة ان الدور الثاني فاضي قبل اسبوع فتح موضوع الزواج وانه يبي يتزوج ثانية انا ماراح اقول انصدمت مدري جاني برود يمكن من كثر مايزن بالموضوع طبعا هم مجموعة في العايلة حقتهم ويهايطون انهم يتزوجون طبعا زوجي عمره 34 سنه ويقول انا ابي اتزوج وانا صغير مو لأن فيك شي بس كذا من حقي دام اني ماقصرت معك انا عندي استطاعة افتح بيت ثاني من اول كان الموضوع عادي بس ألحين دخلني خوف ومشاعري متضاربه انا مااقدر ازعل واسوي فيها وهو مو مقصر معي والموضوع حلال وزيادة على كذا ماني عارفة ايش اسوي طبعا البيت كاتبه باسمي ومن اول ماشراه قال البيت لك والذهب عندي خيروعندي شغالة ويمشي لي مصروف والاثاث وكل شئ جديد وهو قال اللي تآمرين به انا مستعد بس ماابي تزعلين وتقلبين علي حياتي انا مااجبرك بشئ من ناحيتها وبنفس الوقت ماابي تكونون اعداء ابي عيالي يكونوا يد وحده ماابي يكون بينهم فروقات وانا ان شاءالله ماراح افرق بينكم وراح اعدل هو الى الآن ماحصل عروس وفي نفس الوقت يقول ماابي اهلي يخطبون لي مااثق في اختيارهم طبعا مو اهله اللي اختاروني له هو اللي اختارني وطلبني واهله بس كملوا الباقي...طبعا مستحيل اخطب له انا بس قال انا بدبر نفسي..
قال لي في البداية انا بتزوجها بالسر ولااحد عارف من اهلي غيرك انتي بس عشان ابعد نظرات الناس عنك وكلامهم ولاراح اصرح بزواجي الا بعد سنة .. له بيت في منطقة بعيدة شوي عن بيتنا وبيسكنها هناك لمدة سنة بعدين بيجيبها عندنا...عمل زوجي يخليه يغيب عن البيت من يومين لثلاثة عشان كذا ماحد فاقده لو تزوج..
طبعا بنات انا ماادري وش اسوي انا سكت نهائي ع الموضوع وماعد ناقشته ومدري جاني برود مو طبيعي واخاف انه الهدوء ماقبل العاصفة دلوني وش اسوي ؟؟؟
طبعا انا انسانة مستقلة بحياتي الزوج جزء ثانوي في حياتي يعني مو محور حياتي لي علاقاتي الاجتماعية وعايشة حياتي بالطول والعرض
طبعا مستحيل ازعل واروح بيت اهلي لان الحركة ماله داعي وماراح تجيب نتيجة!!!