زوجي بين نارين 😓😓

مادري وش ابدا موضوعي فيه انا تزوجت واحد وابوه طبعه غريب عمري كله ماشفت ولا مر علي واحد مثله يغار من عياله غيره موطبيعيه
ورجل مزواج مايرتاح الا اذا نقل كلام بين عياله وسبب مشاكل نظراته لنا احنا حريم عياله تخووف دايم يقول لزوجي وش رايك تتزوج على حرمتك وعلي المهر واذا رفض زوجي قال ابوه زواج المسيار حلوو ليش ماتجربه 😭 زوجي مره متضايق من ابووه 😔 ودايم يناديه عنده بحجه اني انتم عيالي واحتاج لكم و و ماوده عياله يجلسون مع حريمهم
دايم كلامه في المجلس بين عياله كلام مايقال كلام الواحد يخجل يقوله مشكله ابو زوجي محروم يتمنى يتزوج بس البخل مانعه علشان كذا حط حرته في عياله دايم يقول لعياله وين شخصيتكم ع زوجاتكم وليش وليش وليش
قام يكذب ويفتح عيون زوجي علي بأشياء وهميه و و مثلا يقول لو انك متزوج مدرسه بترتاح من المصاريف وكان تساعدك في بناء البيت و و
المشكله هالايام لاحظت ان زوجي اعجبته فكره زواج المسيار وانه سهله وانها مب زواج حقيقي وقتي وخلاص 😔حسبي الله ع ابوووه هو السبب
مادري وشلون احل قضيتي المشكله زوجي ابدا مارضى بتصرفات ابوي ودايم يقول براحتك مااجبرك تسلمين عليه انا ماارتاح له وهو ابوي كيف انتي زوجتي 😒 دايم ابوه يسافر وياخذ زوجي بالغصب ولو ماوافق يروح معه كالعاده ماراح يسلم عليه وماراح يعطيه فلوس تساعدنا ع المصاريف و و 😓زوجي بين نارين نار ظلم ابوووه
وبيني والحياه المششتته 😓 لو جلس يومين زوجي ماراح لابوه انواع الازعاجات والانصالات وينك وينك
المشكله انا في الرياض واهله في القصيم يعني مسافه بعيدددده 😒 ماادري كيف اتصرف ولاودي زوجي يقاطع ابووه مهما كان هاذا ابوه بس حياتنا منقلبه مشاكل وتشتت و و و 😓يشهد ربي على كلامي اني ماقد حرضت زوجي على ابوه ولا ارضاه يقاطعه ودايم التمس له اعذار بس شره واذاه زاااد ولاحظت حياتنا تغيرت عن اول

الله يسعدكم اخواتي كيف اتعامل معه وكيف اخلي زوجي يتعامل مع ابوه من غير ضرر للطرفين


🌙اللهم بلغنا رمضان لافاقدين ولامفقودين🌙