زوجي تحملت خياناته وقالي تلب شوفو شسوى فيني

السلام عليكم ورحمة الله وبركاته


مدري من وين ابتدي بس انا حالي حال اي زوجه زوجها يخونها والسبب مافيه سبب يقولي نزوه سامحته الف مره وكل مره يقولي تبت تبت تبت وكنت اقول بقلبي محد كامل الله غفور رحيم وكنت اصلي وادعي ربي يصبرني وطبعا خياناته بكل مكان وبكل برامج هذا بكوم والاستراحه كوم ثاني .. تدرون ايش مشكلتي الحين مشكلتي زوجي يسهر من تزوجنا لين الفجر ،، لكن من شهر وهو متغير علي صار مايجي البيت الا من ثاني يوم ومرات مايجي الين اتصل فيه كأني اعزمه على بيتي وياليت يحس فيني ويجي من نفسه لاااا ابدا ابدا لازم انا اتصل والغريب بالموضوع عادي عنده يواصل يومين لاتقولون حبوب ومخدرات انا ما اشوف عليه شي الا اذا بالاستراحه يسوي كذا مو عندي هذا شي ثاني طبعا شكيت انه متزوج مسيار وصرت اقوله صارحني وقام يحلف ويقسم انه من متزوج مسيار وفتح لي موقع ابششر الاحوال الشخصيه مافيه زوجه غيري وغير كذا يصور لي ويرسل لي بالواتس وينه فيه طبعا مايصور الا لما اتصل اقوله وينك يقول بالاستراحه صور اوكي يصور ... اكيد بتقولون وين المشكله المشكله مايجي للبيت الا بعزيمه المشكله بعد صار بارد معاي مو يبالي فيني اكلمه اتصل فيه يجي معصب هاه جيت وش تبين الله ياخذ الشيشه خير ايش بغيتي اقوله من حقي المبات انا ما اقولك لاتطلع اطلع من الصبح لين 3 الفجر لكن بعد 3 هذا الوقت لي ،،، وكل مره يوعدني مايعيدها وتجي 3 و4 و5 وهو ماجاء اتصل فيه انا عندي خوييي انا اشيش انا نسيت ... تعبت اخرتها اليوم جرحني اتصلت فيه قلت متى بتجي الساعه 4 قال شويات جت 5 متى بتجي قال شويات انفجرت فيه قلت ايشش وين وعدك انت عندك خرابيط وعارفه انك رجعت لخرابيطك قام قال وش تبين مني انتي قلت ابي اعيش حالي حال اي زوجه تنام وزوجها جنبها مو جالسه لحالي واهلي مارحت لهم وتركت للحين محترمه وجودك في حياتي انت تعرف اني بغربه وساكته وكل يوم اقول ان شاءالله بيتعدل ونعيش احلا عيشه لكن مامنك امل ولانفعه قام عصب كلامك هذا مو فايد بشي قلت وين وعودك كالعاده قال نسيت قلت والله لو حاسب لوجودي حساب كان اشتقت لي وقدرت الوعود وجيت لي مثل ما اتفقنا مو تبدي سهرك واخوياك وشيشتك وخرابيطك علي .. رد علي برد جارح قال فعلا لو ابيك جيتك ادل البيت انا انصدمت هنا .. قلت يصير خير عشاني اسامحك كل مره صرت تعتبر وجودي ولا شي وكل مره تقولي كلمتين معسولتين وارضا عليك ويطيح الحطب لا خلاص انا ماني كذا قال طيب انتي منتي كذا منتي كذا وانا غلطان وحمار اني اوعدك اصلا .. قلت اللي يسمعك يقول نفذت وعودك كلها كلام .. قال انا اذنبت سامحيني يقولها طبعا بستهزاء وانا سويت نفسي مادريت انها بستهزاء قلت ماني مسامحتك ابد ولا غافره لك انت كسرتني بكثير اشياء لو اني مثل مرة اخوك كل اسبوع اشيل قشي واروح لاهلي كان عرفت قدري لكن انت منت مقدر النعمه اللي بيدك وطبعا كنت اصارخ وهو كان يصازخ قصري صوتك قلت ماني مقصرته قال انتي ما احترمتيني قلت انت اللي ما احترمتني لو احترمتني فعلا كان قدرت تعبني يوم انوم عيالك واضبط لك الجوو عشان ترتاح ويكون هدوء لكن والله ماعاد انوم عيالك ولا اضغط على نفسي واحبس نفسي بالظلما عشان عيالك ينامون واجي حضرتك وترتاح من الازعاج كل هذا مابين بعينك لكن اوعدك اني اعدك ماكنت بحياتي وتراني حبيتك لسبب انك زوجي واقدر اطلعك من قلبي بسبب افعالك وعطيته ظهري وتلحفت وسكت شوي وبعدين باسني قال معك حق طبعا مو يراضيني لا بس يبي يسكتني دايم كذا والمشكله هالسيناريو يتكرر شبه يومي .. ادري بتقولون ماتعلمتي ما مليتي كل يوم يسوي كذا وتتصلين فيه يابنات انا مشكلتي اصدق وعده لي واسامحك واحط امال انه بيتعدل والمشكله مايتعدل الا نص يوم وبعدين يقولي نسيت طبعا بعد ماعطيته ظهري مانام لاا اصلا ثوبه مانزله لابسه عشان بيطلع مره ثانيه هو جاي مغصوب لاني قمت ابكي واصارخ عليه بالجوال جلس شوي يلعب بتلفونه وانا معطيته ظهري بعدين قلت له تفضل اطلع برا وبقفل باب الشقه عشان عيالي مايطلعون وانا نايمه قال شوي اطلع واقفله قلت لو سمحت ما اعرف انام وباب الشقه مو مقفل اخاف عيالي يطلعون وماحسيت فيهم قام قالي بنتظر ابوي يصحى واروح له ... وجلس شوي وطلع وماقفل باب الشقه وطبعا جلس مايكلمني على جواله مدري ايش يسوي وانا كنت مسويه نفسي نايمه ومعطيته ظهري وطلع وماقفل باب الشقه ورحت قفلته وهالكلام الساعه 6 الصبح والى الان ماجا ولا ادري عنه هو متعود اتصل فيه واحنا متزاعلين ولكن هو ابد مايتصل علي سواء متزاعلين او متراضين كذا مايتصل الا اذا بغى شي ضروري ... ويدخل الواتس ويطلع ولايكلمني وحطيت توبك في معناه انو لاتتوقع بيوم يكون لك مكانه بقلب احد عشان ماتنصدم .. طبعا بالتوبك اقصد نفسي انوو يعني المفروض ما اتوقع لي مكانه بقلب احد عشان انا ما انصدم بعدين .... وبسس هاذي مشكلتي ليش يسهر يوم كامل مايجي الا لما اتصل فيه ... وان بغى حقه الشرعي يجي ياخذه ويطلع او ينام ولايفكر فيني وطبعا اذا جلس عندي بالشقه نص يومه نوم يقوم على طول يطلع بس يقول كلمتين اخباركم تبون شي انا طالع .. حياتي كلها لحالي ووحيده ماعندي احد وهو مقصر معاي مايطلعني الا نادرا اقوله طلعني مره يقول مشغول مره يقول بكره وان طلعني طلعني على السريع يفر فينا بالسياره ويرجعنا وبسس .. انا مجروحه من كلمته ايه بالضبط لو ابي جيت .. الحمدلله على كل حال يامغيث اغثني واشرح لي صدري ويسر لي امري ... ايش رايكم شسوي كيف اوقف اتصالات فيه يقولي مايفيد كلامك لو بجي جيت من يصحي قلبي ويصحيني من يعلمني من يشيله من قلبي ويخليه شخص عادي وجوده وعدمه واحد مثل ما انا عنده شخص عادي وجودي وعدمي واحد ..... شوركم وجزاكم الله خير