زوجي حرمني من مصروف والشغاله بعد علي

السلام عليكم
بنات انا وايد مظلومه حاسه بظلم واليوم تهاوشنا انا وياه على هالموضوع وبعد مد ايده علي حسبي الله عليه، وجدام العيال. وكل هذا بسبب المصروف.
بنات هو راتبه زين ويقدر يصرف علينا ويساعدني بشغاله ويعطيني مصروف.
وهو قائل هذا الكلام قبل انه راح يساعدني براتب الشغاله.
واليوم قال ماراح اعطيج مصروف قلتله هذا حقي قال انتي عليج بس الاكل والشرب!!
مع ان في الاسلام الزوج عليه الاكل والشرب والملبس لكن زوجي وينه ووين الاسلام حتى الصلاه مايصليها الا نادر. قلتله طيب ساعدني فراتب الشغاله قال الشغاله انتي طلبتيها وهي تعمل عملج لما تروحي الدوام واذا ما تقدري تعطيها فلوس فنشي من وظيفتج والله يابنات قهرني كلامه حسبي الله عليه ونعم الوكيل. مدري من الصح معاه هو او انا؟!
هو صحيح ياخذ اغراض الاطفال من حفايظ وحليب. واغراض البيت كامل على حسابي انا ياخذ اغراض لأهله مع انه عنده إخوان ويشتغلون لكنه هو ضعيف الشخصيه قدام اهله. ويدفع راتب شغاله بيتهم مع امه. وإخوانه الثانين ماعندهم غير ياكلو ويشربو من حلاله وما قادرين يصرفو بيسه على البيت وأمهم ما تضغط غير على زوجي لين يخلص راتبه ويسوي مشاكل معي لما اطلب منه غرض او لما يطلب منى مبلغ عشان اهله وبيتهم وما اعطيه ويعمل مشاكل لي ويكشر.
الحين هو معصب ويريدني انا اعطي الشغاله راتب وبيحرمني من مصروف بنات هل هو صح ولا غلط الي يسويه؟
انا منقهره ودموعي على خدي وانا اكتب.