زوجي خربها على آخر لحظة

السلام عليكم

حيا الله كل من دخلت موضوعي


والله يابنات انا في هم مايعلمه الا الله

وبقولكم الي صار معي من باب الفضفضة والي عندها راي حكيم لاتبخل علي فيه

السالفة بدت قبل 6 شهور

صارت مشكلة كبيييرة بيني وبين زوجي

مابي ادخل في تفاصيل المشكلة لكن كانت بسبب شغالة وفهمكم كفاية

والله قعدت تقريبا 5 شهور في بيت اهلي والله يعلم بحالي

حاسة نفسي معلقة لاني متزوجة ولاني مطلقة وطبعا زوجي كان مطنش ولا مهتم الا بعد كم شهر

جاء عند اهلي ويعتذر منهم
المهم انهم بعد جلسات ومشاورات طويلة اتفقوا اني ارجعله بس بعد ما اولد لأني كنت في اخر التاسع

وطبعا اهلي ماسامحوه الا لأن بيننا عيال

المهم اني بعد ولدت وزارني زوجي وقام يتأسف مني وتعرفون عاد حنا الحريم قلوبنا ضعيفة

وتسامحنا والحمدالله قعدنا طول فترة نفاسي وحنا مكالمات دايم ورسايل ولا فيه احلى مننا

والله اني كنت متحمسة ومهتمة بنفاسي وابي اخلص بسرعة عشان ارجع لبيتي ولزوجي

ويوم باقيلي اسبوع واخلص

تخيلوا وش الي صار






زعل زوجي

ولا يرد لاعلى مكالماتي ولا على رسايلي حتى اني دقيت عليه من رقم غريب رد علي ويوم سمع صوتي قفل في وجهي

مدري حسيته اصلا يوم كان يكلمني يدور شي يزعل عليه وماصدق على الله

والله يابنات مدري وش اقول لأهلي

اهلي واهله فرحوا يوم رجعنا لبعض

والله انهم طول الشهور الي راحت ماينامون وبس يفكرون فينا

وحتى ابوي يوم عرف اني تصالحت معاه دمعت عيونه من الفرحة

اول مرة اشوف ابوي كذا

وامه ياعمري عليها دقت علي وهي تصيح وتقول اول ما اخلص نفاسي بتسويلنا عزيمة في استراحة بمناسبة رجعتنا لبعض

والحين مدري وش الحل

ما اقدر اقول لاحد اننا تزاعلنا من جديد

وزوجي ارسل له واحاول اقنعه وهو ساحب سيفوووووووون ولا كأنه يشوف رسايلي

وزوجي من النوع الي اذا شافني اترجاه والحق وراه يقوم يزودها بالزعل

وانا ماودي اخلص نفاسي وحنا متزاعلين عشان اهلي ماودي اخرب فرحتهم

قولوا لي وش اسوي

وكيف اتعامل مع زوجي

اخاف ارسل واتصل يتغلى زيادة
واخاف اخليه واطنش وتطول المدة

واخاف اقول لاهلي وانكد فرحتهم

والله اني في هم

واحس اني تعبت الي حوليني ولا ابغى اتعبهم زيادة

شوروا علي الله يخليكم

والي ماعندها حل لي تكفييييني دعوتها