زوجي دائما يكرر علي هالكلمه

السلام عليكم : كيفكم
بنات انا عندي مشكله وهي كلمه دائما زوجي يرددها علي اذا صارت بينا مشكله والكلمه هي انه اذا صارت بينا مشكله او امرته بحاجه وهو مايبيها قالي وهو زعلان من انتي عشان تأمريني وتامرين علي احس انه محتقرني ومو شايفني شيئ عنده انا ماكتبتها الا لأنه دائما يكررها علي
مثل تو اليوم زعلت منه لأنه تجيه رسايل على الواتس هالليل الساعه وحده بس مافتحها عشاني عنده مايبيني اشوف بعدين قالي يالله نروح ننام لانا كنا جالسين في الصاله بعدين قلتله يله قوم قالي روحي انتي بعدين انا الحقك وانا حاسه انه يصرفني يبي يفتح الرسايل طبعا رحت للغرفه وانا مقهورة انه يصرفني بعدين جاء وجلس عندي انا قلتله ابيه يفتح الواتس عشان اشوف من الي يرسله قلتله عندك مقاطع ارسلي قالي انا مالي نفس ارسلك ويوم اصرت عليه قالي انا ماابي افتح الواتس يعني مايبي يفتحه واشوف من كان يراسل ويوم قلتله اصلا انت ماتبي تفتح عشان ماتبيني اشوف الواتس زعل وقالي اصلا منو انتي عشان تأمريني احس انه ذا الكلمه دائما على لسانه اذا طلبت منه شئ مااعجبه قالي ذا المكلمه احس اني مالي قدر عنده ماني شي عنده
بنات تكفون قولي كيف ارد عليه اذا قالي ذا الكلمه انا اذا قالي اصلا انتي منو عشان تأمريني مااعرف ارد عليه كيف ارد عليه
ادري انكم بتقولون ليش تبين تشوفين من كان يراسل انا يابنات قبل سنتين اكتشفت زوجي يراسل ويكلم وحده وطبعا هذا تشجيع من صديقه حسبي الله وواجهته وانكر وقالي انتي موسوسه وبعدها ماعاد شفت عليه شي وماادري هل تركها اولا بس الشك ذابحني كل تصرف يتصرفه اوحركه يسويها اشك فيه ماعاد اثق اهتزت الثقه ومو قادره انسى الرسايل الي شفتها بينهم
وللمعلوميه زوجي طيب معي وكريم واخلاقه معي كويسه ويقولي انا آحـبـــك ومااستغني عنك بس اذا صارت بينا مشكله بنقلب شخص ثاني واحس انه بايعني يعني مستعد لو اقوله ننفصل يقولي اوكيه ننفصل يعني مااحس انه متمسك فيني يعني مافهمته كيف يقولي آحـبـــك وماستغني عنك واذا صار بينا زعل احس انه بايعني ومو متمسك فيني والله مافهمته
ادري اني طولت عليكم وقلتلكم قصة حياتي
بس حسيت اني ضايق صدري وقلت افضفض لكم واشوف نصايحكم لي وكيف اتصرف معه لاني احس انه متقلب المزاج وكيف ارد عليه اذا قالي منو انتي تأمريني
ربي اشرح صدري واشرح صدور اخواتي بنات عالم حوا .