زوجي دمر شبابي تعالو ياعاقلات ابغا حل لمشكلتي

السلام عليكم ورحمة الله وبركاته

موضوعي ضااايق بخلقي مممره وابي منكم راي صايب وحكمه فيها عقل ورزانه
مشكلتي يابنات الحلال
زوجي متسلط ومغرررررور هو عمره 29 وانا 21 المهم ع اتفه مشكله يتطاول عليه ع اتفه سبب يهددني بيده يهزها عليه كنه بيضربني ومرات فعلا يضربني ويوعدني وعود كثيره واذا جينا للموعد ينكر ويجحد ويخلف واذا صارحته وقلت انت منافق يزعل ويطنقر ويطرطع
واذا تعبت يتجبر عليه ان كان ولاده او اجعاض او دوره او حتا زكام يشوف نفسه عليه ويقولي خير كل الحريم تحمل وتولد ماجبتي جديد لاتدلعين ياجماعة الخير حتا لو تنومت مايكلف نفسه بعلبة مويه يشهد الله ولا ورده ولا كرت او رساله حمدالله ع السلامه يجي يسلم عليه وجلس جنبي بدون همس حتا تنتهي الزياره ويطلع

ويسبني ويتلفظ عليه قدام ولدي عمره5 سنوات ويقولي كلي(......) وانتي معفنه وانتي وسخه وانتي عايشه ع العفن ويشهد ربي انه مدخن ولا يحلق لا وجهه ولا غيره ولا يتروش وهو بشرته دهنيه وريحته خياس ولا يغسل اذا رجع من العمل ولا حتا يكلف ع نفسه يشتري عطر شريت انا له عطر قام رجعه واخذ فلوسه وقلي ماحتاج منك هديه
وربي يشهد عليه مانام الا بيتي يلق حتا لو تعبانه اضغط ع نفسس وانظف واتروش واتعطر ومجموعات وانواع الروايح وهو بكل عفانه ينام جنبي وغصب عني اتحمله استحي اقوله ريحتك وع
ومشاكل كثيره يشيب الراس منها بخيل عليه وعلئ بيته اذا طلبت بغير اثاث ياكلني بقشوري وعلما اثاثي له 6 سنوات ووافق قبل سنتين وشرا لي غرفه من الحرراج متهالكه ماكملت سنه الا وهي متكسره ومتفككه ومشحبه فرش غرفة المعيشه مممممنهار مدقوق دق من كثرة الاستعمال ويكب هو براسه العصير ولا يناديني امسحه وتطريش عيالي ريحة الغرفه عفن ريحتها جيفه وعادي عنده وشحن لي قبل شهر شريحتي ب100 ريال وخلصتها بعد شهر وكم يوم قلي ليش تخلصينها انتي مو حق شحن شرايح يعني بالله رضيد ايش اسوي فيه بعد مده بيسحبونه والحين يقولي بسفرك قلت لامعليش كرامتي تهمني بكره تسفرني ترجعني تقولي وجهك مو وجه سفر حقت خساير وقد قالها لي وهو وداني مكه بسسس ولا رحت مطاعم او شقق وداني عند عمه اول مره اشوفهم وخلانا ننام عندهم
مايجلس معنا مايهمه يومه بالدوام بالنهار وبالليل يروح مكتب العقار حقه يعني ماقدر اقول هالادمي ضعيف ماديا الا راقد ع فلوس بس بخيييل
تخيلو موية التحليه انقطعت حقت الشرب شكيت لعمي يعبيها قله اتقي الله بعيالك وعبي لهم قال عادي انا اكل بالدوام مو لازم اعبي لهم شفتو الرد الووووقح
ويمدح يمدح ببنت عمه عمرها 40 عانس يقول تطبخ وتتفنن وتصلح احسن منك وانا مسوي نفسي فيك قدام الناس وانتي ولا شي ويسوي صوت بفمه قليل ادب اني 💨


واخرتها الحين وداني لاهلي بسبب مشكله سخييفه طلبته ابي الصيدليه قالي ماشتري لك هاتي صرافتك قلت له انت اخذتني من بيت ابويه عشان تصرف عليه قلي طيب هاذا اللي ناقص ومشا رجعني البيت ولا شرا لي

وعذره انه جابني لاهلي عنده اختبارات بعد شهر ويبغا يذاكر وامس كلمته ع الواتس اب وقلي قيمتك اعطيك بلوك يعني حظر وحظرني


تعبت معه وحتا اهله يعرفون انه غلطان وانسان ماينطاق الحل تكفون علموني لاتقولين اهلك اهلي مابي اكسرهم المشكله يشوفونه فوووووق فووووق مايرضون عليه لانه يعاملهم باحترام وانا ماشكي لهم مشاكلنا اشكيها لاخته لانها حبيبتي او احلها بيني وبينه ماحب اطلع مشاكلنا وهو من هاذا المبدا يحسبني ضعيفه وتسلط عليه