زوجي زعل مني على شي تافه بصراحه عجزت افهمه بليز تعالوا

مساء الخير انا عضوه جديده دايما اقرأ مشاكلكم واتنمى اشارك معاكم واليوم جاء الوقت المناسب اني اشارك معاكم بجد حسيت انكم زي خواتي لما تضايقت قلت مالي غيركم
ببدا بالموضوع على طول انا ادرس بالجامعه وارجع من دوامي 2 ونص وعندي بنتين ورى بعض وحده توها كملت سنتين والثانيه عمرها 7 شهور ومضغووووطه مررره والله يابنات مع ضغط الدراسه اني مهتمه في بيتي والكل يشهد على هالشي من ضمنهم زوجي ثانيا اذا عزم والا شي مااقله لا اسوي اللي يبي واضغط على نفسي
مو هنا المشكله المشكله جاني يوم الاثنين وقال يبي قهوه وشاهي بياخذها وبيطلع بيجيه واحد مهم الساعه 3 العصر وانا جايه 2 ونص قلت ابشر وراح نام وقال صحيني 3 قلت اوك صلحت الغدا والقهوه والشاهي وشفت فيه وقت قلت يمديني اصلح بسبوسه ولما صار كل شي جاهز صحيته 3 ماقام الا 3 ونص نومه مره ثقيل عيا يقوم المهم قام عصب وصارخ علي وفيك ومافيك وشال مني حبوب منع الحمل قال علشان تعرفين مثل ماهاالحبوب مهمه عندك الموعد مهم عندي وراح ولاخذا اللي صلحته ولاتغداء راح تعبي كله عالفاضي انقهرت مررررررره جاء عالمغرب ولاكلمني مقابل النت ومطنشني سويت العشاء تعشى وطلع المهم نمت على 11 وكنت زعلانه جاء وتاسف بس قال انا اسف بس كنت معصب اليوم وعطاني حبوبي نمت ومن التعب راحت علي نومه الفجر ماقمت للدوام ولاداومت راح داوم هو وجاء يخاصم ويزاعق ليش الغياب ليش ماتداومين يافاشله اصلا بس همك النوم ماتبين تطورين من نفسك دايما فاشله :44: قسم بالله يابنات خلاص عصبت من جد كاني طفله ماكاني زوجته وش هالمعامله ماكلمته ولاشعوريا قمت ابكي راح ورد وانا مازلت ابكي تعذر مني وقال خلاص بطلي حركات زي اللي سويتيها اليوم وامس وخليك عاقله ومدري ايه حسسني اني انا الغلطانه الحين احنا الحمد لله مو متزاعلين
بس ابي افهم شخصيته بجد عجزت افهمه وغير كذا ابي نصايحكم اختي تقولي انتي دلعتيه كل شي له مجاب ارفضي له لو طلب وخلي لك شخصيتك وتشوفين شلون يجي الحين ابعرف كلامها صح والا انا الصح