زوجي سطرني

السلام عليكم

انا ساكنه عند أهل زوجي عندي شقه بروحي بس في باب بيني وبينهم

وعلاقتي فيهم الحمدلله رسميه إذا مريت من عندهم سلمت ودشيت شقتي

أقسم بالله ماضريتهم ولا أذيتهم في حالي

حتى مفتاح شقتي أعطيه أم زوجي

لثقتي فيها
مره من المرات كنت راجعه من الدوام

لقيت أم زوجي في شقتي مع الطلاب اللي تدرسهم بصراحه تصايقت بس ماكلمتها

دشيت غرفة نومي وصكيت الباب يوم رجع

زوجي من الدوام قلت له عن الموضوع

وصارت هوشه عليه

مرت الأيام زوجي عطاني مفتاح وهو مفتاح
اللي يطلع يسكر الشقه ويأخذ المفتاح معاه

بس واجهت مشكله وهي اعتماد أهل زوجي
على زوجي في سيارته في توصيلاتهم في

طلبات كثييره

أمس كنت جاهزة بروح للدوام قلت

لزوجي تبيني احط لك ريوق ؟ قالي لا

قلت له ممكن أتكلم معاك؟ قالي ايه

رحنا غرفة النوم وأنا قعدت على السرير

وهو على كرسي مقابلني

أقسم لكم بالله العلي العظيم ورب الكعبه

قلت له : أنا ماطلبت منك لاتساعد بيتكم ساعدهم بالمعقول أنا وعيالك لنا حق عليك

قام يصارخ ويقولي أنا اللي يطلبونه أهلي بسويه

وقفت وقلت له أنا قاعده أتكلم ماقاعده اصارخ

وكنت أبي أمشي عنه عشان مايكبر الموضوع

قام ودزاني اتباعدت عنه مإخلاني قام سطرني

دزيته عني مإخلااني دزاني على السرير

قعد فوقي وسطرني كان محصل له يهودي!!

وأنا مو قادره عليه أبغي أقوم ذبحني

مالقيت إلا يدي مو مقيده شمخته في رقبيته
عشان يقوم عني قام وأنا قمت وبعد سطرني

قمت أصرخ وجات امه طقت الباب وأنا طلعت

وهو يقول حق أمه خليهاا تروح العن أبوها!!

رحت سيارتي وأنا ارتعد من الضرب ولصياح
والقهر

رحت بيت أهلي ودشيت وأنا منهاااره أصيح

من قلبي قلت لهم زوجي ضربني

للعلم أنا وحيدة أمي وابوي ماعندهم غيري

قالي أبوي صلي على النبي وشربني ماي

وقالي ياللا نروح عند زوجج نتفاهم

رحت معاه وقعد مع زوجي وكان يكلمه بكل

هدوء وعقلانيه وتفاهم بالغلط دش أبو زوجي

وابوي قاله خيره من الله انك شرفتنه اقعد

معانه نتفاهم

قعد أبوه وقال حق أبوي مو بس ولدي ضرب

بنتك أهي بعد شمخته !!!

ودشت أمه علينا وهي تصاااارخ

تقول. زين يسوي فيها سطرها أجل تبي

تبعده عن خواته !! ليش تسوي جذي

وأبوه يقول حق أبوي أصلا بنتك مو مربيه !!

أنا طلعت من بيتهم ماقدرت اتحمل كل

هالاهانات علّي وعلي أبوي

كلهم قاموا علّي وأنا ماقلت شيء ولا

حرضت ولدهم عليهم ولا عصيته على أهله

أقسم برب الكعبه ماقلت له لا تساعد أهلك

كل اللي قلته ساعدهم بالمعقول

غلطو علّي وأهانوني في وسط بيتهم

اتصلت أمه حق أمي تقول لها خلي بنتج

ترجع البيت تعتذر من زوجها و زوجها يعتذر لها

أمي قالت لها ولدج غلط خليه يصحح غلطه

وأبوه اتصل لابوي يستسمح منه !!!

بس أنا قلبي قاعد يحترق أموت في الدقيقه

مليون مره ظلموني إهانوني إهانوا أبوي في

بيتهم

ماعرف شسوي وشلون اتصرف

وجهي كله يعورني رقبتني ورى أذوني متنفخ
من سطاراته. جرحني

محتاجه أحد يأخذ حقي بس ماعندي أخوان

وابوي مايحب المشاكل

محتاجه رأيكم واللي ماعندها رأي تدعيلي

محتاجه لدعوه تمسح على قلبي


آسفه إذا كان الخط مو واضح أنا داشه من جوالي