زوجي سقط من نظري بعد هذا الموقف

السلام عليكم ورحمة الله وبركاته
تضايقت جدا اليوم حتى اني فكرت ان اطلب الطلاق
مشاكل كثيرة تمر بكل البيوت منها الكبير والصغير وتمر الحياة سبحان الله
زوجي يعمل بوظيفة صباحية وعمل بعد الظهر
واول الزواج كنت ابكي اقعد معايا انا بزهق لوحدي والمرتب حيكفينا ميرضاش
مرت 7 سنوات وهو نفس الحل
مع جلستي بمفردي اراد الله لي الهداية فنقربت من الله وانتقبت وبطلت اغاني ومسلسلات الحمد لله حاولت يبقى معايا وبصعوبة بدأ يستجيب وانا لا زلت طبعا ارجع واتقدم
وبصراحة من الأفضل ان يشد الزوج بيد زوجته
ومن الصعب جدا على الزوجة ان تاخذ بيد زوجها
احاول ومشاجرات ومشاكل واسكت
عمله يبدأ في 7 صباحا وينتهي 12 مساءا يتخلله وقت للنوم وراحة في الغدا
تغيرت وتغير طلبي فان يترك شغل الليل ليتفغر قليلا لعبادة الله فهو يأتي ليصلي الصلوات في المنزل ولا يصليها جماعة
ولا يفتح المصحف الا في رمضان
انا لا انكر اني كنت كذلك وكنت ادعوا له بالهداية واطلب منه ان يدعو لنفسه

ما كان يغيظني تصدقه بالمال بطريقة كبيرة على اهله
وله ابنة عم ارملة كبيرة في السن يتكفلها تقريبا بأولادها
امه يأتي لها بكل ما تريد
والله ما كان يضايقني اني احس ان هذه الأفعال كلها ليست لله وانما للمظاهر فقط
خاصة ان بلدتهم بأكملها تحب المظاهر بطريقة مرضية ولا يفعلون شيئا الا ذاع صيت من فعلهمن سنة تقريبا كتبت عن اهماله لي
قرر ان نخرج من شقتنا ليعطيها اخوه يتزوج فيها ليعف مسلما كما قال لي
تكفل بالفرح من نادي ودخان وليزر واشياء لا تمت لعفة المسلم بصلة
قصر في حقي
والله شقتي اقل شقة في شقق سلايفي الي تزوجوا بمساعدته
وانا والله اشك في قلبي ان هذا كله للمظاهر وحتى يقول الناس
ما شاء الله عمل وسوى وخاصة ان افعاله دائما تكون امام الناس



الا ان جاء الموقف الذي اكد لي ذلك

كان بيديني مصروف كنت بدخل منه جمعية وحوشت فلوس وبصراحة انا كنت حاطة في بالي اني اغير في شكل الشقة خاصة اني كنت بضايق لما بيقولوا ياه شقة فلانة حلوة وافتكر ان زوجي هو الي ساعد وانا الي بقيت اقل واحدة
المهم زوجي عارف بأمر الفلوس دي وبيقول بتاعتي وخلاص مسامحني فيها يعني فلوسي الخاصة



عندي خالي كان مريض من 17 سنة ويعيش مع جدتي وتعبت معاه ولفت وصرفوا فلوس كتير وجدي ميت يعني خالي يتيم
الحمد لله من 3 شهور تقريبا تم له الشفاء وفاق وبصراحة فرحنا له فرحة كبيرة
ومن فرحة جدتي خطبت له فتاة من قريتنا ولم يكن معها من المال شيئا
قررت ان اعطيها الف جنيه سلامة خالي وعلشان خطوبته من الفلوس الي حوشتها
والي عمله زوجي
زعل واتضايق
وكل شوية يتكلم في الموضوع واديكي الفلوس وتديها للناس
وفلوسك وديتها فين مع ان الي فاضل معايا كتير الحمد لله
وخالي يستاهل ده يتيم وكان مريض وحبيبي اكني بهاديه مش خسارة فيه ده فرحتنا بشفاه لا تقدر بمال
زعلت واتضايقت
ولسه فاتح معايا الموضوع قبل ما يخرج

وعندي دهب كنت جاية بيه من بيت اهلي قررت اني اديهوله يبيعه وياخد الألف جنيه بتاعته وحرجعله كل الفلوس الي حوشتها منه لأنه لسه بيعتبرها مش فلوسي وبيقولي انتي بتتصرفي من نفسك
فين عفة المسلم وفين الارملة الي بيروح لها كل شهر على مرأى ومسمع من اولاد عمه
بصراحة نزل جدا من نظري
وتأكد لي ما كنت اشك فيه
لا يفعل ذلك لله عمره قضاه في الشغل وسايب الصلاة علشان يتصدق
لا تعقل
من عرف الله عرف الفرائض قبل النوافل
تعبانة جدا ومتضايقة ومش عارفة اعمل ايه
كنت بفكر اسيب البيت
انا عارفة ان السبب ممكن يبقى عادي
بس افتكرت حاجات كتير قوي عملها معايا وهو مفهمني علشان الصدقة حرمني انا علشان المظاهر

والله العظيم من سنتين كنا عايزين نعمل عمرة خلاني ابيع دهبي الي هو جايبهولي وطلعنا وهناك اكتشف انه معاه فلوس كان ممكن يطلعنا بيها اشترى بيها حاجات وهدايا لقرايبه
كان نفسي في بطانية والله ما رضي يجيبها لي ولغاية دلوقتي معوضنيش عن الدهب ده مع ان ظروفه مرتاحة جدا

ده اتصدق بما يقرب من 100 الف جنيه
كلها راحت سدى
كلها لا تحسب
رأيكم ايه انا بظلمه لما بتهمه بكدر
بس حيجي وحفتح معاه الموضوع وحديله دهب اهلي