زوجي سلبي .. وافكر بالطلاق منه

وقالي امس احمدي ربك قلت على ايش اني تزوجته
انت اللي احمد ربك انك اخذني والله تجملت فيه
وتحملت وضعه المادي لاني احبه ..بس مو راضي يعطيني فلوس ويقول اذا خلصت حافز بااعطيك
بس مو معطيني تسلفت من وحده 4 الالاف محتاجتها واخذها وللحين مارجعها حتى يوم ولدت لاجاب لي لاهديه ولافلوس
اناماابييه بس مو راضي يخليني اروح مع اخوي
يقول انا ابي اوديك لاهلك بس انا رافضه اني اروح معه
وش الحل ؟؟؟

..صباح الخير ..



الا الطلاق ما رح أقولك جوابي فيه ولا يجوز لي شرعا ..
أن اقولك اطلقي منه ي عمري ..!
مثل هـ الأمور استخيري الله فيها وانشدي عنها شيخ أفضل ..
ما أنصحك أبدأ بـ آراء خواتي العضوات هنا .. لـ أنك رح تتشتتين ...

×


وفيه منها الصواب وفيه الخطأ ..!
عاد لك دعوه من قلب صادق .. في ظهر الغيب ..!
وفقك الله ووالديك لكل خير .. !
ي هلا ..!


..ركب الأغراب..

شوفي قلبي اكسبيه بالكلام الحلو وحاولي تتكلمين معه واستخيري ربي قبل كل شي والله ييسر لكم ويخليلكم زيود

الله يهديه ويسخره لكي

انتي لج ايد وغلط بحياتج شلتي عنه حقوقج وعلمتيه يشيل ايده من مصروفج وبالنهايه لو تطلبين ريال يحسها ثقيله عليه حتى ولده الي هو مسوؤل عنه شرعا وقانونا شلتي مسؤوليته عنه
بديتي حياتج غلط وكملتيها غلط ولما حسيتي انج بوجه المدفع بالمسؤوليه والدفع والصرف ندمتي
الطلاق موحل زوجج لو ان معودته يصرف عليج بيصرف عليج وعلى ولده لكن ماعودتيه اذا موبخيل حاولي تعدلينه وتسنعينه وولده خليه يبجي من الجوع وعطيه ابوه قوليله ماعندي فلوس اشتري له حليب او اكل تراه بذمتك وشوي شوي كل شي يتعدل باذن الله وشكل زوجج مايحب احد يشوف عيوبه يحب ان الكل يشوفه كامل وهالنوع يحب المديح اذا جاب حتى لو عصير بريال لولده قوليله الله يخليك له اذا عطاج فلوس قوليله ماتقصر ارفيعه فوق وحاولي تعدلينه بالكلام الحلو لان الهواش مانفع وتدخل احد بينكم مايعجبه الله يسخره لج