زوجي صآآآآر شخص لآ يطآق!!!!!

السلام عليكم.. هذي ثاني مره ليه اشارك فذا المنتدى الجميل.. اللي صار أفاد كثثثير من البنات سواء متزوجات أو مطلقات أو غيره! 
حآبه اتكلم عن مشكلتي وياريت اشوف ردودكم ونصايحكم لعل وعسى الاقي فيها شيء يساعدني! أولاً تعريف بسيط عني وعن زوجي انا عمري 20 وهوا عمرو 26.. تزوجته وعمري 17 لنا الآن ثلاث سنوات بالضبط وعندي منه بنوته عمرها سنة، أول ماتزوجته كان ققققمة فالاخلاق والتعامل ماكنت اقول ابغا إلا والشيء اللي ابغاه قدامي كنا أربع وعشرين ساعة برا البيت طلعات ومطاعم ومولات لأن صراحه انا من الأشخاص اللي مااااا اححب القعدة فالبيييت أبداً!!! وحتى لمن اهلي وافقوا عليه قالوا كويس واحد صغير فالسن عشان يمشيها ويونسها مايكون واحد كبير مايبغا غير الاستراحه مع اصحابه ولآ القعدة فالبيت! 
المهم كنا على اححسن حال لمدة سنة! بعد السنه اوضاعنا انقلبت فوق تحت.. تغير مية وثماانين درجه تخيلوا صرررت اترجى فيه عشان يطلعني واشم شوية هواء من حبست البيت وهوآ يصرف الموضوع بأي شكل يآ تعبان ولآ طفشان المشكله انه كذاااب هوا لآ تعبان ولآ طفشان هوا بس مايبغا يطلع معايه يبغا يطلع يتمشى من دوني يآ مع اخويه أو مع أحد من أصحابه.. مع انو أنا مو من الحريم اللي فكل طلعاتهم لااازم صرفيت فلوس لآ والله بالعكس اقول له حتى لو نفرفر بالسيارة بس!! لآ وتخيلوا لمن مالقي عذر قال لآ تقولين ليه نطلع فأيام الاسبوع اجي من الدوام تعبان قلت طيب خلاص آمري لله أنطق فالبيت ايام الاسبوع ونطلع فالويكند.. ولمن صار يجي الويكند تخيلوا ايش يقول أنا بطلع مع صاحبي طفشان ابغا اشم شوية هوآ طيب وانااااا!!!! لمن كلمته وخاصمته قال والله حتى فالويكند ما ابغا اطلع عشاااان زحمة الشوارع!!! شوفوا العذر الباااايخ،، والمشكله ماوقفت هنا بس لآ حتى فلوووس صرفيه ماعااد يعطيني كل مآ طلبته قال ماعندي!! يعني لآ خرجات ارفه فيها عن نفسي انا والبنت ولآ حتى فلوووس!! دايماً يخاصمني عشان مايبغا يصرف عليه ولآ يبغا يطلعني ومن أسبوعين وهوا طآيح فيه سسسب تخيلوا يقول إنتي أهلك ماعرفوا يعلموك أصول الزواج وأنتي أصلاً قليلة ادب وأنتي ليش مو زي اخواتي مايطلوا من البيت!!! طيب انا والله مو اختك كان تزوجت اختك اللي ذابحني انه لمن جا يخطبني هوآ وأهله قالوا له ترررااهاا آخر العنقود ودلوووعه أمها وابوها مايقصرون عليه بشي وااحد!!! 
ايش اسوي ساااعدوني أفكر اتصل على ابوووه وأقول له كل شي ء ويايعدل ولده ولآ خلاص يروح يطلقني!!