زوجي عسل ... لكن انا عند اهلي ( ساعدوني )

السلام عليكم
انا يابنات عندي زوجي طيوب وعسل
دايما بشوش
مايحب يطول بالزعل اذا تهاوشنا نص ساعه ويجي يسولف ويضحك
يطلعني ويمشيني رغم اني لاحظت انه بدأ يتضايق من هالشيء ويستثقل طلعتي
الفلوس مايعطيني الا للضرور القصوى مثل عيد او زواج
بس مادته ضعيفه ويتحجج بان ماعنده
مشكلتي ابدا مو هنا


مشكلتي ان زوجي كان طاير فيني
مو مصدق اني زوجته
ومن كثر ما اشوفه خاق علي كنت اشوف نفسي عليه
وهو كان مايصدق اجي اجلس معاه

كان يداوم وباقي اليوم منسدح عندي بالبيت
جواله كان كششششاف
كان يتابع كوره فقط

بعد زواجي بكم شهر حملت
وزاد تعلقي بزوجي بسبب حاجتي له
كنت اروح عند اهلي كثير بالشهور
وهو صادق ناس مش ولابد<< في هذي الفتره انا اهديته جوال جديد هديه مني وياليتني ما اهديته

رجعت بيتي
لقيت انسان ثاني
متغير بس يحاول يغطي ويخبي
مرة شهور وانا قلبي قارصني
بس مشغوله بالبيبي واقول مافيه شي
وطول الشهور هذي وانا اقول بفتش جواله واتردد

بديت الاحظ عليه لمن اكون اتابع مسلسل يسالني من هذي ومن هذي ؟
ولمن تجي وحده بمسلسل يقول يالبى ويضحك ( يعنني امزح ابيك تغارين ) لكن هالحركه حسستني ان عينه بدت تطول
الاهم انه طول هالشهور ماكان يصلي الا نادرا ( اذا اضطر )

قررت افتش
وبديت استغل الفرص وكل مافتشت القاه ماسح كل شي
لا صور لا مسجات لا مكالمات !!!!!!!

بيوم فتشت لقيته فاتح روابط كثيره
كلها جنسيه
حريم
فنانات
اجسام وخلفيات حريم
انقهرت
لان الاوقات اللي كان يبحث فيها بعدها كان يجيني يطلب حقه الشرعي وانا احسبه مشتاق لي
اثاريه يفرغ بعد اللي شافه

قمت عليه ولعنت شكله
وزعلت
في بيتي ماطلعت
حاوول يراضيني
ورضيت بشروط
انه ماعاد يدخل هالروابط
ولا يتواصل مع خوياه اللي خربوه
ولا يترك اي فرض صلاه

ووافق وحسيت انه ندمان واني خلاص بيرجع لي زوجي
لكن الشيطان اقوى مني ومنه


ماتغير شي
صح ماعاد يبحث عن شي
بس مازال مايصلي
ولازلت اشوف بعيونه انه وده يطالع فنانات بس مايقدر
بالسوق يناظر ويسوي يعنني ماشوف
وهو يقززز البنت من فوق لتحت
اهتمامه بالجوال مازال مثل ماهو


كل هالاشياء خلتني احس انه ماتغير
وماني مرتاحه وابي زوجي القديم
واشك فيه يكلم غيري واشك بطلعاته وكل شي
يجيب لي مصطلحات جدديده مادري من وين يتعلمها

قمت اراقب واراقب مالقى شي بالجوال
بعدين قبل فتره كنت بروح لاهلي فترة العيد
وباليوم اللي بروح فيه
فتحت جواله ورحت على الابل ستور اللي يحملون منه البرامج
فيه خيار اذا ضغطته تطلع كل البرامج اللي يحملها ويرجع يحذفها

يابنات مو مخلي شي
اي برنامج فيه دردشه - بنات - عرض بالكاميرا - اصوات بنات ومكالمات
حتى البلاك بيري محمله وانا مانعته عنه من زمان من قبل اعطيه الجوال
ومسوي انه مايسوي شي
ولو شكيت فيه يقعد يستغفر ويقول الله يعينك على عقلك مدري وين يوديك
يحسسني اني انا الغلطانه وشكي زايد
وهو كل برامج العالم يحملها ويحذفها قبل يجي البيت

اللي خلاني اشك بموضوع البرامج انه كل ماصحيت لقيته ماخذ مخدته ونايم بالمجلس
ولا يطلع الدوام الا جواله فل شحن يقول يسليني


هذا غير باين من عيونه يسوي غلط وانا انسانه احس باللي قدامي وشكي مايخيب


الحين ماقلت له شي
ولا يدري وش فيني
كنت اكلمه رسمي
لين رحت لاهلي
وسحبت عليه
يدق مايدق مارد
وهو ماتصل الا باليوم اللي حطني
والبارح اتصل مرتين

يبي يسوي نفسه ثقيل ومو هامه
لكن هو يدري زعلانه بس تلقونه منجن مايدري انا وش عرفت

الحين انا احب زوجي واتمنى يرجع زي قبل
عندي طفل منه
اكره الخيانه والاستغفال وممكن اتركه لو شفت اي محادثه مع بنت رغم اني ادري يسويها والدليل برامج الدشره اللي يحملها

فقدت الثقه فيه ومدري كيف ارجعها
المفروض هو يرجعها ويحاول يكسب ثقتي لكن هو مريح باله اهم شي انها عندي وماتدري وش اسوي

ماهمه النار اللي بقلبي
الحين شورو علي وش اسوي
انا نيتي اني بقوله يايتعدل يايتركني
لاني مليت وزهقت وابي راحة نفسي
ماني مرتاحه وهو كذا
راح اخليه يبيع جواله ويرجع للكشاف
مو هو كان يقولي وش ابي بالجوال اهم شي جوال ويتصل ،؟
خلاص يرجع للكشاف

هذا نيتي وابي اقرصه يعدل اسلوبه معي لانه صاير ينافخ على اشياء تافه
بعدين يجي يبغاني اسولف معه

ابي الحكيمات يردون علي
ولا وحده تقولي لاتفتشين بفتش وماقدر اخلي احد يستغفلني
على فكره انا قايله له جوالك افتشه باي وقت وهو معطيني الضوء الاخضر
على اساس يمسح كل شي
بس مادرى اني اقدر اعرف البرامج اللي حملها وحذفها

انا بنت توني صغيره جميله الحمدالله بس بديت اشك بجمالي بسبب تصرفات زوجي
صرت اقول اكيد مو شايفني حلوه لو شايفني حلوه ليش يخون ويدور غيري ؟

والاهم العلاقه صارت مره بالاسبوع كانها واجب
ومدتها ماتتعدى الربع ساعه
على اساس هو يكفيه مره وحده
وانا احسه ماصار يرغب فيني واخر مره ابد مارتحت لطريقته وتصرفاته اثناء العلاقه حسيتها غريبه
ومتعلمها جديد هذا غير يتصرف بطريقه غريبه ونفخ علي بوقتها وكملتها تمثيل بتمثيل( اسفه بس لازم اوضح )
هذا اللي خلاني اشك بالخيانه الفعليه والله يستر

ساعدوني نار شابه بقلبي
وبديت ابيعه بس علشان افتك من همه
ويصير غريب عني وارتاح