زوجي عند اهلي !!

انا زوجي كويس معاي مره وسمن على عسل بس مشكلته ي بنات لما نكون عند اهلي ومتجمعين لازم يقلل مني !!! مدري وش السبب والله مو مره ولا مرتين من كثر المواقف انساها يعني دايم يطقطق على الاكل اللي اسويه له مع انه ياكله ويمدحه !!! وعند اهلي يتغير كلامه اطنش مايهمني اضحك وانه مزح بس تطور وصار دايم لما اشارك السوالف مع اهلي لازم يغلطني ويحسسني اني هبله ويقعد يحشر لي بالكلام عشان يطلعني غلطانه !! دايم يحرجني بس احترمه قدام اهلي لان انا انسانه ردودي قويه امسك لساني عشان ماحرجه احياناً يبالغ بالسوالف عشان يطلعني على غلط!!! مع ان يكون مالي ذنب بالسالفه الغلط مني ومنه بس يطلعني انا الغلطانه واني ما افهم طبعاً قدام اهلي انصدم لما يقول السوالف مع ان بالموقف كانت ردة فعله طبيعيه بس عند اهلي يقولهم الموقف واني مافهم انصدممم !! ودايم لما اقول رأي بسالفه لازم يطقطق قدام اهلي على رأيي ! وعنده اسلوب فضيع يطلعك انك هبله يعني مثال مره كنا نسولف عن زواج اخوي وقال اخوي بجيب ٣ ذبايح للحريم قلت لا كارونا الدنيا ومحد يجي ذبيحتين تكفي لف علي زوجي وقال اصبرو سؤال ي فلانه الذبيحه كم صحن جاوبته صح وقام يصعبها سأل سؤال ثاني واهلي كلهم سكتو يناظرو قلت مدري قال اجل لا تتفلسفي وانتي مو عارفه قلت اعطي رأيي قال اخوك مستغني عن رايك مره احرجني وقعدت يوم كامل مو طايقه منه كلمه ليه المعامله تتغير ! حتى لما اخواني يقولو نبغى زوجه مثل زوجتك عقل ورزانه لدرجة العيله كلها هي رأيها اهم شي يقولهم ي حليلكم والله ماعاشرتوها !!! قدام اهله مايسوي هالحركات مع ان حتى اهله نفس معاملة اهلي لي وانا اللي ياخذو برأيي وهو كمان نفسهم بس ليه كذا يسوي مدري !! اوقفه عند حده ؟؟؟؟