زوجي قبل وبعد الولادة

السلام عليكم ،،



بدآت مشكلتي بعد الولادة ، 
اصبح هناك فجوووة كبيرة جدا بيني وبين زوجي  

قبل الولادة كان دائما  يردد "مادري كيف اتحمل وانتي عندك اهلك"" عشان النفاس 

بعد الولادة وانا عند اهلي كان يرسل يوميا لكن مايرسل يسال عني او عن البيبي 
لا كل سوالفه عن اهلي وعقاراتهم باعوا ماباعوا ومن هالكلام ! 

كنت في قمه التعب محتاجه احد يخفف علي يعطني من حنانه ،الحمدلله اهلي ماقصروا معي ربي يخليهم لي 

بس هو كنت ابيه يوقف معي ع الاقل يجاملني !
 
اذا سالته كيف البيت بدوني وكذا يقول نفس ماهو عاددي ، ومااقعد فيه مشغول ومن هالكلام
ويرجع لموضوع اهلي وفلوسهم بالاخير صرت اسحب عليه
 40يوم كلمه حلوة  تخفف علي مافيه 
رغم ان المراءة بهالفترة اكثر عااطفيه ومحتاجه احد يكون معها حتى ماتكون عرضه للاكتئاب 

قاربت الاربعين تنتهي وهو ماقال ارجعي لبيتك ولا حتى لمح 
طبعاً قبلها يرسل اقعدي عندك اهلك 3الى4شهور   لما اخلص الانتداب وكل خميس وجمعه بجي "رغم ان الانتداب احتمال كبير يكون  9شهور"  


المهم قلت له الاحد بخلص كل شي قالي احتمال اجي الاثنين اذا قدرت 
قلت شكلك ماشتقت لي قال لا والله بالعكسس الاربعين يوم هاذي احلى ايام عمري عايش بحريه حتى الامراض وكل شي راحت عني "يقولها وهو يحلف 

سكرت السماعه بوجهه ماقدرت اتحمل ولي ثلاث شهور ومواقادرة انسى كلمته 


احس كل ماتذكرت كلماته اكرة  

الحين السؤال هل انا عاطفيه وكبرت الموضوع او فعلا يحق لي اكرررة ؟؟