زوجي قهرني تكفون ساعدوني بسرعه ...

السلام عليكم

كيفكم يابنات حواء الرائعات

حاولت اقاوم كثير صبرت عليه الين مل الصبر مني ما احب اشكي واحاول دايما احل مشاكلي معاه بنفسي لكني اليوم الحس اني عااااجزه وجيت اخذ رايكم واطلب مساعدتكم لي في مشكلتي

يابنات انا زوجي ولله الحمد انسان ملتزم نوعا ما يصلي في المسجد
مشكلتنا انه يمووووت على شي اسمه حريم يابنات والله صبرت تعبت تزوج مسيار وبالصدفه دريت زعلت فتره لكني سامحته اعادها اكثر من كره وكنت اتجاهل الموضوع واظهر له عدم معرفتي واقنع نفسي انا كمان اني مو متاكده ... هنا كنت اقول لنفسي يابنت مالك حجه الرجال ماسوا شي حرام لكنه احرق قلبي
والله اني ما اكذب ولا امدح نفسي اني ما اقصر معاه اتزين واتعطر ودووم ابتكر ليالي رومنسيه لاني اعرفه تهمه هالحاجات ويهمه الفراش بشكل كبير (ماعليش اعذروني على التفاصيل يعني برغم تعلقه الشديد بالفراش الا انه عديم الاسلوب وانا متحمله ودوم ابتكر له حاجات جديده)
وشكلي ولله الحمد حلوه بشهادته هو شخصيا وكل من حولي وجسمي حلو ودايما ملابسه جاهزه واكله والكلمه الطيبه دايما اتغزل فيه وادلعه ..
المصيبه ان الشي الجديد اني صرت الاحظ وجود بنات في ماسنجره ولما قريت المحادثات لقيته يدور عروس من النت وكمان يقول لهم انه مطلق زوجته اللي هي انا ...
والداهيه انه في واحده مرره خااشه معاه خانه سوالف للصباح وهم من يوم قالها الصدق انه متزوج قالت لا وعارضت لكنها استمرت في علاقتها معاه وانا ما استحملت دخلت ماسنجره وكلمتها بالطيب واعتذرت وقالت خلاص بتبعد عنه .. صدقتها وقلت له السالفه قال والله انها دبه معفنه ومدري ايش ولافكرت فيها لكنها كانت سوالف تسليه وكلام فاضي وانا مشيت السالفه واكتشفت اليوم انه صار يكلمها جوال وبينهم مسجات وكمان يتكلم عني معاها ويوقول عني كلام يقهر وهو والله يكذب وكمان ارسل لها صورة ولدي ياقلبي عليه والله بموووت من القهر دلوني كيف اتصرف معاه ايش اسوي ..

فكرت اكبر السالفه وابعد عنه لكن ماهانوا عليا عيالي بموت كل يوم وانا بعيده عنهم عجزت اصلحه ..
تكفون يابنات اللي عندها حل تعطيني اياه واللي لها خبره وتعرف افضل طريقه للتعامل معاه تسعفني بيها حاسه ان عقلي متوقف مو قادره افكر انا ممكن استحمل الين يوصل الموضوع لانه يدوس لي على طرف وعند مين .....!!! وكمان الا عيالي هذي مدري عنها وعن اخلاقها كيف قدر يرسل لها صورة الولد يارب تستر عليه وتحفظه ...

ودي اتكلم اكثر بس خلاص كذا كفايه كل حرف يعذبني ..

تكفون ردوا عليا بسرعه قبل يجي علشان اقدر اتفاهم معاه ....