زوجي لايصرف علي

والله حبيبتي كذا غلط من البدايه
المفروض معودته يعطيش فلوس ويصرف عليش يكون لش مصروف خاص وماله دخل بمعاشش وثاني شي اذا قال لش ادفعي لي تروحين تدفعين سلامات هو ماعطاش لا انتي ولا ولده عسى ماشر
الحل ي طويلة العمر انش تقعدين معه وتتكلمين بكل هداوه واشرحي له اللي في خاطرش اذا حس ع دمه حلو واذا مانفع
عاد دخلي ابوه او امه في الموضوع لان اذا سكتي اكثر من كذا مو غريبه بعدين ياخذ المعاش حقش

اول شي هدي وتعوذي من الشيطان ثاني شي لاتتهاوشين معاه بخصوص هالسالفه لانك عارفه انه مرح يتغير لان ع قولتك تعاملتي معاه بكل الطرق ولا فاد ، طيب
فيه طريقه بقولها لك ونتي سوي اللي يعجبك منها
اول شي اهم شي اعصابك روقي والموضوع جدا بسيط ولا يستاهل
ثاني شي دام عندك راتب هذي نعمة اشكري الله عليها غيرك يتمناها زوجك يشوف انك مش محتاجته ويشوف ان ماعليك قصور عشان كذا هو شايل يده من المصرف
انتي يمكن انك عودتيه الزبده راح اللي راح
نبدا صفحه جديده خاليه من التعب النفسي والارهاق
اول قاعده حبي نفسك وولدك دلعي نفسك انسي ان عندك رجال عامليه بتجاهل وببرود اطلعي واستانسي ولا تجيبين له طاري الفلوس ابد الا طبعا اغراض المطبخ مهمه وحتى لو ماجاب اسكتي عنه
كملي حياتك طبيعي صدقيني هو رح يحس بشي غلط مانتي مثل اول تطلبين وتعصبين عليه اذا شافك مبسوطه ومستقله ب ذاتك رح يضعف ويحس نفسه ماله وجود ولا له سنع بيحاول يدور رضاك ونتي خلك بارررررررددده حسسيه انك تقدرين تعيشين بدونه وانك جدا مرتاحه حاولي ماتقعدين معه كثير حسسيه ان لك حياه اخرى جميله اذا ماتصلح وصار يدور عليك تعالي واكفخيني كفين 😂😂

انا حاولت اعوده يصرف مانفع معه اشتريت راحتي وشلت نفسي بس الي مزعلني الان انه تمادى معي هل من مزيد !! يعني نسى حقه في الصرف وطلع يطالبني بشيء ماله حق فيه هذي نقطتي معه

قبل ماتشوفين الحلول المقترحه
حطي في بالك ان الزوج واجب عليه النفقة الأساسية (كسوة ومأكل ومشرب وسكن )
ومازاد عن ذلك فهو كريم .
.
هل تكلمتي معه حول الموضوع .. بهدوء وعقلانية ؟
وخبرتيه إن النفقه واجبة عليه ؟
..
الحين عندنا مشكلة كبيرة انه ماتعود على المصروف عليك وعلى ولدك
عندي كذا اقتراح :
١/ تاخذين اجازة بدون راتب وتخبرينه عن الخطوة اللي اتخذتيها بدون ماتقولين له نيتك الصريحة وتقولين برتاح شوي من العمل وبتفرغ لك ولولدي ، وتقعدين كم شهر في البيت وتبدين تعودينه على انه ينفق عليك وعلى ولدك والبيت من خلال تحديد مصروف شهري مستديم .
٢/ هو شافك تلعبين في راتبك وتضيعينه على ملابس ومصاريف مالها داعي فقال هذي ماعندها خطه مستقبلية وجالسه تلعب في راتبها .. ليش ماتعطيني وتساعدني بدل ماتضيعه بالسوق وغيره ( طبعاً ماله حق أبداً )
فاللحين راتبك بدل مايضيع بمصاريف البيت او للولد ، أول ماينزل على طول حددي ربع للادخار (ذهب مثلا) وربع للصدقه أو كفالة يتيم أو هدية للوالدين أو هدايا وربع للاسهم مثلاً
يحط في باله إنك جالسه تسوين خطط مستقبلية مدروسه
بيشوف انك في بداية الشهر راتبك بسرعه توزع ومابقى شي في البطاقه الا مبلغ بسيط
..
اذا تشوفين عنده سوء تدبير في الراتب فيه دورات تخص هذا الموضوع يقدر يبحث عنها ويحضرها ويستفيد وومكن أنتي بعد تستفيدين ..
وبالتوفيق

بسيطه اذا طالبك بفلوس قولي ماعندي واخترعي اعذار… سلفت اختي صديقتي … اشتريت شنطه.. داخله جمعيه

انتبهي تبينين له ان عندك وماتبين تعطينه

وخلي سياستك معه زي ماقالت الاخت فوق.. عيشي كنك سنقل الا من الأساسيات (اغراض المطبخ للكهرباء المويا عليه ). بس لبسك جوالك مواصلاتك عليك.