زوجي ماادري ايش سالفته ؟

السلام عليكم حبيباتي
كيفكم ياحوائيات ان شاءالله اموركم تمام
قبل فتره نزلت موضوع عن زوجي واهله وانهم حاطين بلاء ولدهم فيني ويحرضونه على الزواج اليما تم لهم الي يبغوه وزوجي كانو شايفين قد ايش كنت تعبانه منه وهو بس معاكسات وضياع والادهى انه كان يغازل عندي بالبيت يعني كانت اسمعه وكان يتبجح انه كيفه والله بيحاسبه وهو حر وانه مااخطاء علي بشي وزياده فاصل من عمله لاشغله ولا مشغله وانا بس اركض وراهم احاول اعدل منه خاصه انه ماكان كذا كان شخص مستقيم ويخاف الله وكان مدلعني وفجاءه انتكس وصار عااصي ومتبجح وبقوه بعد وانا تبهذلت ماادري ايش سبب تغيراته وتركه للعمل والي خلاه يصيع بهالشكل الفضييع والله ياشفت معه ايام سوداء وظرب واهانات وكنت اصبر علشان بس العيال حرام يضيعون كانو يشوفون ابوهم وهو يسحبني مع شعري قدامهم ويدخلني الغرفه ويكمل علي ظرب وهما مساكين يبكون وعلشام ايش يضربني علشان اقول له بنات الناس ماهم لعبه عندك تلعب عليهم من دق باب الناس دقو بابه وبتشوفها ببناتك ان استمريت وماخفت الله وكنت اعاتبه على الصلاه لانه مايصلي جماعه يصلي فرض ولا فرضين والباقي الله المستعان واهله الله يسامحهم سممولي بدني ولاموني بكل شي صاير بولدهم وان ماضيعه الا انا حسبي الله ونعم الوكيل الين مازوجي ملك له على وحده بدون علمي وهو لهالحاله واهله معه واليقاهرني ان الي اخذها كانو يتحادثون قبل بينهم تعارف هداهم الله
الي مستغربه منه زوجي تغييير معي صاير يداريني مداره ولا يبغاني ازعل وصار مايرفض لي اي شي وصاير مرره مهتم فيني وفي نفسيتي ولقاله وظيفه ويبغاني ارضى عليه صاير غريب احيانا اعاتبه واقول له ليش شفقان علي كاسره خاطرك لاتشفق علي وترحمني منت بارحم من ربي علي مابغى منك شي وهو يقولي الله يسامحك وعلى نفس الموال ماشي معاي مستغربه ايش غيره كذا وليش مافكر بالوظيفه الا يوم ملك على وحده وانا لي 10 سنوات اركض وراه وهو نايم بالعسل احس بقهرر ابكي قهرر بالليل ادخل غرفه لوحدي واطفي اللمبات واجلس اصيح واصيح واصيح الين مااحس الا وانا اتوضى واصلي الين الفجر وادعي ان الله يصبرني لاني احس بغبن وقهر وذل احس اني كاسره خاطره احس انه شفقان علي والله مااكل باليوم الا وجبه وحده واتغصب عليها احس بالم بمعدتي هو تغير معي بس انا حاسه بنار بصدري ماادري زوجي صادق معي ولا شفقان علي صاير تودد لي بشكل مو طبيعي تغير معي بكل شي وصار مهتم بس ليش بعد ماملكت على وحده غيري بديتها علي وانا الي صابره عليك واساعدك بعد بواجبات انت المفروض تسويها تدرون ليش كنت اساعده علشان العشره الحلوه الي كانت بيننا بداية زواجي والي استمرت 5 سنوات وبعدها انقلبت حياتي فوق تحت ... ماادري يابنات ايش اسوي احس بنااااار بصدري على الرغم اني ولله الحمد اقوم الليل وادعي كثيير لكن بصراحه انا مابدات بقيام الليل الا لما شفته باعني وفضل وحده ثانيه علي لاني لما التجات للصلاه وقيام الليل وصلاة الصحة وقراءه القران والاستغفار كنت احس وقتها براحه عجيبه شدتني اكثر للاستمرار والحمدلله
لكن يابنات انا احس بنار بصدري لما اشوف زوجي معاي بهالشكل واهتمامه ورجوعه للعمل لكن احس انها شفقه ورحمه عجزت اشيل هالفكره من دماغي ومستغربه منه هالشي لدرجة انه صار يكلمني ويحاول يهدي بالي ويطلب مني انسى بس انا عجزت كيف اسامحه واعيش معه بعد 10 سنوات ظرب واهانه ولوم وانا الي وقفت معه وساعدته بامور كانت واجبه عليه هو يسويها ويبيعني بالنهايه ويملك على وحده بمساعدة اهله الي والله انغبنت منهم اشد غبن وانا الي كنت احسبهم اهل وانصدمت منهم من وراي يتقولون ويلومون ويبررون لولدهم ومين يازوجي فضلت علي مييين كيف اتقبل الحين عجزت 😢
ابغى نصائح ورايكم بنات ايش اسوي