زوجي ماعنده...... حيوانات منوية؟؟ هل يوجد علاج!!!؟؟

السلام عليكم ورحمة الله وبركاته

وحشتوووووني لي 3 شهور غايبة عن المنتدى

والحين رجعت

أبي أقولكم وش صار معي وإن شاء الله تساعدوني

وتعطوني بصيص أمل

سبق ونزلت موضوع عن مشكلتي مع زوجي

عنده ضعف في الحيوانات المنوية

شخص الدكتور حالته وقال عندك فتق في الخصية وضعف في الحيوانات المنوية
لازم نسويلك العملية.....

تنوم زوجي في المستشفى أسبوعين مابين أشعة وفحوصات وتحاليل

حتى شخصوا حالته (المستشفى حكومي)

وقرروا العملية ....

كثير حذروني من المستشفى لكن زوجي قالي خلي إتكالك على الله وربي يكتب اللي فيه الخير

دخل زوجي غرفة العمليات الساعة3ظ مرت الساعات 6...9...11 وزوجي بعده ماطلع

وأنا على أعصابي ودموعي

الساعة 12 خرج من العمليات

كلمته اليوم الثاني وكان كثيييير تعبان

احساسي إن زوجي صار له شي ليش كل هالوقت في العمليات الجراحة ماتستاهل كل هالوقت

سوى العملية يوم الثلاثاء يوم السبت خرجوه من المستشفى ليه يبون السرير

حسبي الله عليهم ماكان يقدر يمشي...

بالصدفة سمعت بنت عمتي تقول لأمي هو صحيح محمد جاه نزيف داخلي؟؟؟؟

لما سمعت هالكلام حسيت بنار بصدري والله ماتتخيلوا شعوري هذاك الوقت دموعي نزلت وأقول لأمي

محمد صارله نزيف

حاولت امي تضيع الموضوع وتقولي: مو زوجك...

(( كنت أجي أزور زوجي عند اهله لأن بيتي في الدور الأول ))

وهو ماقالي عاتبته ٌقالي الحمدلله أنا بخير

مر أسبوعين ... فجأة إنتكس زوجي كان تجيه آلام ماكان يقدر يتحرك وفي مكان العمليه جاه إنتفاخ

رجع لنفس المستشفى... قالوا له ألتهب الجرح ... لازم عملية ثانية لإزالة الدم المتجمد

أكتشف زوجي إن اللي سوى العملية الآولى طلاب!!!؟؟؟ تحت التدريب

أمّن زوجي الدكتور أنه هو اللي يسوي العملية الثانية

وبعد إجراء العملية عمل زوجي تحليل للسائل المنوي تعرفون وش كانت النتيجة



























الحيوانات ميتة



والدكتور قال له : إنسى فكرة الأولاد حالتك مستحيلة







حسبي الله عليهم ...... الله يكافيهم.....

بسبب إهمالهم تدهورت حالة زوجي






سؤالي هل صحيح الحالة ميئوس منها

وإن نسبة الحمل عندي مستحيلة مثل ماقال الدكتور...

وجزاكن الله كل خير