زوجي متعب نفسيتي مدري وش الحل!!

السلام عليكم يا حلوات
الله يسعدكم شوفو لي حل معه
زوجي مو بخيل بطبعه يصرف ويشتري ويهدي ولا يقصر بس من اتكلم انا معه عن اي شي يخص الفلوس يحسسني اني استغله واني طمعانه بفلوسه وانه فقير مسكين
يقهرني يقهرني على اقل شي يقول وانتي حتى سوالفك تخسر ولا اذا طلعت معه نتمشى الول له ابي عصير يقول انتي ما تطلعين ببلاش
واللي يقهر زود اني حامل وعلى وشك ولادة ومن اقول له ابي مقاضي للولادة او اي شي احتاجه يقول اشتريهم بفلوسك وكل شي يشوفه غالي واني طلابة ما تخلص طلباتي حتى لما اكون طالعة واستشيره في شي ابي اشتريه ويرضى اخذه وارجع اقوله عشان يعطيني قيمته يقول انتي ما تفكرين ولا تراعين😨
اتفاجئ انه طالبه له اغراض خرابيط مالها داعي ودافع عليها بس عادي ما يحس انها كثير اهم شي عاجبته وفجأة عازم خواته في اغلى مطعم من غير اي مناسبة وغيرها مصاريف تافهة بلا اي فايدة بس مصاريفي انا اللي تخسره😟