زوجي مدير عام وقالب حياة البيت مكتب

السلام عليكم بنات الكتاب باين من عنوانه انا الله ابتلاني بمدير عام بدل مايكون نعمه ومنصب وبرستيج الا بلى وغثا وتخلف،، انا تو حامل بالشهر الثاني وانا ببلد غير عن اهلي كلمته قلتله بنزل اختي عندي قال اوكي وحجزت وجات وانا وزوجي متفقين انها تجلس اسبوع واحجز لها انا وعيالي معها اجلس كم يوم وزوجي يلحقني ويك اند ونرجع سوا.. المهم فتحت اشوف حجز الاثنين القادم مالقيت كله محجوز وطيران ناس يجيبلي المرض يتعبني فحجزت الاسبوع اللي بعده الاثنين نفس الشي يعني تأخير اسبوع يعني اختي بتجلس اسبوعين عندي وهي خفيفه لطيفه تخدم وتساعد ودمها عسل..اتفقت مع زوجي اخذ اختي شقه البحر صديقه متملك شقه بداماك ومعطي زوجي الضو الاخضر نروح وقت مانبغى لانه هو ساكن ببلد ثاني،،كلمته متى نقوم علشان نروح ساكت قلتله 9 الصبح ساكت طيب قبل قال ممكن وقمت من 7 جهزت اكل ولبس عيالي وقومت اختي لبسنا هو قام بكل برادة قال مابتروحو علشان تتعلمي ماتعملي اللي براسك وتحجزي بعد باسبوع شافني اني حامل وانضف واالبس ولاتكلم يضحك ومبيت النية انه يقهرني ويفشلني مع اختي المهم مارحت ارسلت رساله قلتله حجزي لايبرر تصرفك اللئيم حركة قمة ال... ماشفت زوج يعامل زوجته بهالاسلوب )عملت غدا ولاعبرته ياخي مو طايقه اكلمك بعد هالنذاله واللئامة.. جا بالليل يقول احنا متى اتفقنا ترجع اختك قلتله اسبوع بس مافي حجز قال الاثنين الجاي اختك تكون رحلتها وانتهى ممنوع النقاش قلتله انا ماني خدامة انا هنا شريكتك بحياتك وشريكتك بالبيت ومن حقي اجيب اختي كلها 14 يوم من 365 ومعليش اعذرني ماقدر.. قال انا عطيتك اوامري ولاتناقشي قولي تم وروحي دبري امورك وجالس بكل بروووود وخباثه قال تحجزي انتي واختك الاثنين وانا بنزل الويك اند وبرجع السبت قلتله وانا سكت قال نرجع سوا الآن محتااارة ايش اعمل مخه جزمةماطلعت اختي امشيها وابسطها ومقهورة منه ماعنده تفاهم وانا من الاساس مابغى انزل لكن هو قال امي مشتاقه للعيال لازم ننزل