زوجي ...مش عارفه ماله

اول مرة اكتب هنا بس محتاجه مشاركتكوا محتاجه حد يقف جنبي بعيد عن اهلي ويقوللي اعمل ايه
انا متجوزة من حوالي 4 سنين عن قصة حب طويييييييييييييله اتحديت بيها اهلي واختارته هو
كان جاري عرفته من وانا في اعدادي تقريبا وحبيته وكنت بسمع كلامه في كل شئ معشتش حياة البنات من فسح وخروج مع صحباتهم كان همي هو يكون راضي ومش يبص لحد غيري هو كان بيعرف بنات كتير قبل الجواز بس ربنا تاب عليه
شفت معاه ايام حلوة كتير بس المر برضوا كتير ومحدش يرضي بيه بس انا رضيت عشان شارياه وباقيه عليه يعني ابسط حاجه اقدر اقولها يوم صباحيتي اهله كانوا عندي في الشقه ومراة اخوه الكبير بتغسل هدوم عيالها وفضل الحال كده لمده عشر ايام لانهم من صعيد مصر يعني تخيلوا كان كل اللي ييجيلي من اهلي يتصدم بوجود عيلتين قاعدين نايمين معايا وانا لسه عروسةوهو مكنش يقدر يزعل امه هو لحد دلوقتي يقولي انا امي اهم حد في حياتي طبعا ده مش مزعلني في حاجه
المشكلة انه هو مالوش كبير يعني ممكن يغلط فيا وحدش يقدر يوقفه عند حده كل واحد من اخواته بيقول نفسي وبس ووالده متوفي وامه ماتقدرش تزعله عشان مراته طبعا ده هي تفرح طبعا لما تعرف انه هو ممشي مراته ع العجين ماتلخبطوش
المهم صبرت معاه كتيييييييير لحد ما ربنا كرمه في رزقه انا نفسيتي تعبانه وبتدمر كل يوم عن اللي قبله هو مش بيحب يقعد في البيت زي الرجاله لان اصحابه كتير وساكنين حوالينا في نفس المكان كل يوم ينزل يقعد معاهم اوقات يجي الساعه 3 صباحا اوقات الساعه 2 :time:واما اتكلم يقوللي اشمعني انتي اللي بتتكلمي ما هما كلهم متجوزين ومحدش مراته بتتكلم بسبب المشاكل دي انا مطلقه منه مرتين يعني فاضل واحده بس هو بقي عارف انها نقطة ضفعي اما يحب يجبرني علي شئ يحلف عليا بالطلاق انا بخضع وبسكت
انا امي ساكنه جنبي يعني بيني وبينها شارع بروحلها بس هو بيتضايق اني بروح هناك كتير طب تتضايق ليه طول ما اانت مش بتقعد معايا يقولي هو كده تقعدي في البيت المهم عشان مش تفهموا غلط انا مش بخرج غصب عنه لا بيكون برضاه بس بيبقي متضايق من جواه طب ماهو انا كمان هافضل طول الليلا والنهار لواحدي هتجنن ومش عاوزة اعمل اي حاجه غلط:icon33:انا حامل و معايا رقية جالي امبارح الساعه 3 الصبح عملت نفسي نايمة وماتكلمتش معاه جه النهارده مش يعتذر علي التاخير لا بيتلكك لاي سبب وعاوز ينزل اتخانقت معاه حلفت يمين طلاق لو مانزلش هاكون طالق برضوا خضعت وسكت ونزل بفضل اهدده هاسيبلك البيت خالص بس مش بقدر اعمل كده لحد ما هو عرف ده وبقي يقولي انتي معندكيش شخصية عشان يغيظني اكتر
اما بشتكي لامي تقولي ده اختيارك وهما شايفين انه امير وكويس بس انا مش بقولهم الحقيقه كامله عشان مش يكرههوه خاصة ان بابايا عصبي وعنده القلب يعني مش ناقصني:44:
قولولي اعمل ايه معاه انا تعبت واعصابي باظت وكل ده بيجي علي صحتي يعني انا جالي قبل كده تسمم حمل ومات البيبي في بطني في الشهر التامن وممن 20 يوم كان عندي العصب السابع والحمد لله ربنا سلم وخفيت وبتعاج من الضغط العالي في الحمل كل ده غصب عني :icon33: