زوجي نزلني في بيت اهلي وراح وتركني..لسبب اول مره اسمعه...

السلام عليكم

مرحبا بنات
زوجي وداني بيت اهلي يوم الثلاثاء الماضي
وعطاني الف ريال ورااااااااااااح وتركني
كل يوم يكلمني واحاول افهم منه السبب
بس ماقال لي شي

القصه من البدايه
انو رحنا لبيت اهلي
ونمنا عندهم يومين يوم جا اليوم الثالث قال بنرجع للرياض قلت له اوكي وجهزت شنطتي
وهو كل شوي يلمح انو يبي يروح لوحده
المهم فجاه جاني وقال ترى بنروح لاهلي ويمكن مانعيد هنا
وترا كل اهلي بيسافرون وببقى انا وابوي
تروحين معاي؟؟
انا فهمتها وقلت لا مابروح
بعدين قال لي عشان يتجدد الحب فينا خلينا نبعد شوي
قلت اوكي رح
اصلا اهلي بيجتمعون وما ابي افوت الفرصه وانا ناويه اطلبك اني اقعد
(وانا اكذب بس عشانه جرحني قلت كذا ما ابيه يفتكر اني لزقه)

المهم سااااافر وعطاني الف

وماصرت ادق عليه يعنني مشغوله مع بنات عمي
وصار يدق علي خمس دقايق ويقفل

المهم اليوم سالته قلت الناس بيجتمعون الاربعا
بتجي؟؟
حتى ازواج عماتي وخالاتي
كلهم بنجتمع بالعيد هنا

قال لا ما اظن
قلت ليييش
قال وين اجي ووش يجيبني؟؟؟:44:
اجي عندهم وانا كذا؟؟؟
اللي ظابط واللي دكتور واللي صيدلي واللي مهندس
وانا بدوووون وظيفه
انا انهرت يابناااات
وماقدرت اقول شي
قال تبيني اجي واشوفهم يتكلمون بالوظايف والبيوت وانا لا
ساكن عند اختي
وبدون وظيفه
انا عشان كذا تركتك قلت خلها تنبسط شوي مع اهلها
وبعدين تجيني هنا
يمكن ماتعيدين عندهم

ما اقدر اشوف نظرات الضعف بعيونك
كل الحريم حولك لابسين اغلى شي وانتي لا

قلت اهم شي الذوق مو مهم الفلوس
قال لا تكذبين على نفسك
اقلها موقفك قدامهم
وحاولت اقنعه بس عيا يقتنع


ويقول تدرين ان الالف هذي هي اللي قدرت ادبرها
كل ما طلبت احد يتهربون

وش اسوي بنات؟؟؟

دعواتكم له بالوظيفه
وانا ماودي اعيد لوحدي
الله يرزقه بالوظيفه الزينه بس.....