زوجي والاي فوووووووووووون

السلام عليكم ورحمه الله وبركاته

بنات عالم حواء حبيباتي من لي غيركم اشكي له همي وافضفض له
الله يجزاكم خير اللي بتقول كلمه جارحه طلبتها لاتقولها وتتفضل من غير مطرود
ترى اللي فيني كافيني


بنات انا زوجي من يوم تزوجنا وهو راسه يااااااااااااااااااااابس وعنيد
مانع على الانترنت ومحرمه علي وهو عليه حلااااااال
ممنوع ممنوع اددخل عاالانترنت باي سبب من الاسباب ولكن هو يدخل النت ويرفه عن نفسه عادي
المنتديات حرام علي وحلال عليه!!!!!!!

الانترنت بالبيت وايرلس برقم سري ممنوع علي اعرفه
مع اني يابنات موظفه ومعلمه ودايماااااااااااااا احتاج الانترنت واحتاج انزل فيدو واناشيد وصور
واهو ماعنده شهاده ولا يحتاج له لا في وظيفته ولا في حياته اليوميه

والله يابنات اني اروح لبيت اهلي واشبك عالنت وانزل لي فلاشات تعليميه وصور واناشيد واحطها على فلاش ميموري واذا شافها قال لي من وين لك هالاشياء اقول صديقاتي نزلوها على فلاشي

لاني لو قلت له اني شبكت عالنت عند اهلي بيسوي فيني هوايل
وانا اللحين شابكه من بيت اهلي

واذا جيت اشرح له ان الانترنت مافيه شئ واني مااشبك الا على المفيد والمواضيع المفيده من طبخ واحاديث دينيه قال لي سكري الموضوع انا قلت لأ يعني لأ
اذا قلت له ليش ؟
قال لي بس جذي انا ماابيج تدخلين النت

هالكلام هذا من يوم تزوجنا ماتغير يعني من 7 سنين
وانا سكت عن الموضوع عشان تستمر حياتنا الزوجيه لاني تعبت من المشاكل
مع اني انا قبل لاتزوج وانا عندي لاب توب وادخل عالنت وماااااااااستغني عن عالم حواء وعندي ايميل ومسنجر
ولااعرف استغني عن النت
لكن لما تزوجت صدمني صدمه حياتي لما منعني من النت
وصبرت وتغاضيت عن الموضوع مع اني اشوفه كل يوم ياخذ لاب توبه وبروح الديوانيه مع ربعه ويشبك عالنت
والله مااقول الا حسبي الله ونعم الوكيل لاني ادري ان شتان بيني وبينه
انا اذا شبكت شغلت القرآن ودخلت عالمنتديات النسائيه والاخبار العامه اللي تنفعني
واهو الله وحده العالم وش يشبك عليه
والله احس بحره وقهر وضيقه مايعلم فيها الاااااااااااااااا ربي
انا وحده اكره التلفزيون وماااااااااشوفه ابدا ابدا
طول النهار منشغله مع عيالي واذا ناموا عيالي اقعد واحط ايدي على خدي لين يجيني النوم لان مااحب اشوف التلفزيون وكل ماقلت ابدخل عالنت احب اقرا مواضيع يثور بوجهي ويهاوشني الله المستعان

المهم صبرت وصبرت وصبرت وتجاهلت الموضوع عشان خاطره ولاقمت اعيد الموضوع وسكرته بالكاااااااامل

المهم اللحين كل كل كل كل الحريم اللي حوالي
خواتي وخواااااااااااااااته وزوجات اخواني وصديقاتي
كلهم عندهم (((((((( ايفون ))))))))

انا طار عقلي بالايفون وبالالعاب اللي فيه
وطاااااااااااار عقلي بالواتس اب وتعلقت فيه حيل
تعلقت فيه وحسيت ان شي باقي بالدنيا بيسليني ويكسر الملل اللي بحياتي

وصار لي اربع شهور وانا متردده شلون اقول له ان
ابي ايفون ؟؟؟ مع ان لو بشتري بشتري من راتبي
المهم صرت امهد له وامهد له
واقول له شفت عند اختي بالواتس اب مقطع عن كذا وكذا مقطع ديني حلو ومؤثر
شفت عند اختك صور كذا وكذا
صديقاتي وروني بالايفون الموضوع الفلاني

المهم
انا كنت حامل وولدت بالسلامه وهو حيل مستانس بالبيبي الجديد
وانا نفاس عند اهلي كل يوم يزورني ويعبر لي عن مدى شوقه لي ولعياله
ووده يسوي اي شئ عشان يسعدني

قلت هذي فرصه اني اقول له يمكن الرجال تغير او لان قلبه شوي
قلت له : ابي ايفون
طبعا طبعا طبعا رده مثل ماانا متوقعته : لاااااااااااااااااااااااااا
قلت له ليش : قال بس ماابيك تشترينه
قلت انت ماتثق فيني ؟
قال مومسأله ثقه بس ماابيك تشترينه وسكري الموضوع

قعدت اجادله بالموضوع واحاول اشرح له وابين له وجه نظري
لكن هو راسه يابس ومتسلط ومايفهم بوجهات النظر

تزاعلنا اسبووووووووووووووووووووووع
وجاء زارني عند اهلي ومانزلت له
وكل ماانا شديت شد هو اكثر مني
ابيه يلين وعيا لايلين ويتراجع عن كلمته


اليوم شرالي جهار نوكيا n8
طبعا بدون خدمه انترنت

الجااااااز خايس ومعفن معفن مافيه شئ يسوي
كانه جهاز نوكيا عادي لكن يختلف ان يشتفل باللمس

انا من اليوم ماسكه الجهاز وابكي
لاتقولون الموضوع مايسوى بس تيلفون
الموضوع عندي موضوع كرامه مسأله مبدأ

حاااااااااااااااااسه اني بموت من الحره وبموت من القهر
احس اني اقل من غيري واقل من الحريم اللي حواليني
احس اني ناقصه وزوجي دايس على ظهري وزوجي مايثق فيني


انترنت محروم علي
الايفون محروم علي

مااقول الا حسبي الله ونعم الوكيل

الله يخلي البيت اللي تربت فيه
ويخلي لي اللي ربوني احسن تربيه ربوني عالثقه ومامنعوني من شئ
والحمد الله ماعمري خنت ثقتهم
انا شابكه من بيت اهلي اللي ربوني احسن تربيه
وزوجي موقادر يثق فيني ولا يساويني بين الحريم

ومااقول الا حسبي الله ونعم الوكيل