زوجي والحمل

السلام عليكم اخواتي
عندي مشكله مع زوجي وابغى انهيها لأني تعبت وربي تعبت منها
اول ماتملكت قال لي زوجي ترى اول 4 سنوات او اقل شئ سنتين ماابغى عيال ضاااق خلقي لأن وش بيديني اسوي هالموضوع مو في يدي المهم اول ايام زواجي اكلت حبوب الحمل وتعبت منها وسببت لي مشاكل كثيره وماتهنيت باول ايام زواجي من التعب وسببت لي اكياس المهم راجعت عند الدكتوره وقالت ماينفع لك غير طريقة العد المهم قلت لزوجي وان شاء الله انها مضمونه ..
استمرينا
استمرينا على ههالحال 5شهور وفي يوم من الأياام ((وربي اكتب لك والحياء مقطعني لكن الحاجه)) قلت لزوجي اليوم بيكون التنزيل برى لكن هو عيا وقال خيير بتجي الدوره مره ثانيه وانا ماسويت شئ حذرته لكن عاند ونزل وصار اللي كنت خايفه منه وحملت ,, طبعا وقع الحمل بعد 9 شهورمن الزواج
في البدايه ماكنت داريه عن نفسي اني حامل لأن الدوره كانت ملخبطه شوي عندي
واول ماحللت طلعت حامل بس ماتأكدت زين لأن كان هناك على المبيض الأيسر كيس حجمه 5 سم فقلت للدكتوره ابغى اسقطه لكن هي رفضت وقالت ممنوع سألت الشيخ وقال لي حرام عليك لأنه نفخت فيه الروح.. المهم زوجي قلب علي واني انا السبب وانا اللي ابغى الحمل لأني مو مرتاحه معه ولا احبه وابغى اجيب طفل عشان يربطني فيه .. جلست عند اهلي تقريبا شهر ونفسيتي تعبانه مرررره حمل ووحام وامتحانات وزوج كل يوم والثاني مطلع لي شئ يضيق خلقي,,
المهم كل قتره يفتح لي هالموضوع ويضيق خلقي ويقول اني جايبه الطفل عشان امسكه وانه هو مايبغى اطفال خيير شر وانا لو احبه صدق كان رحت لمصر وسقطت الطفل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وانا اللحين بالشهر السادس
وكل يوم خناق علشان كذا وحالف مايوديني للمستشفى ويقول بماانك انتي الشمتهيه تحملي كل شئ مع العلم انا مابعد تهيئت ولا ودي بس يووم صار الحمدلله رضيت
ويبغى يعاندني يمسك ولد اخته اللي عمره 5شهور ويعطيه كف وهو نايم يجي ويضربه بس يبغى يحررني طبعا اخته ماكانت موجوده..
ياناس تعبت منه ..
واللي يزيد الطين بله صديقه يكبر راسه ان الوحده بعد الولاده تخرب وماعاد تنفع
ويصير بطنها تشققات وجسمها يكون مو حلو والطفل بينكد عليكم اذا طلعتوا ومن هالكلام واللحين تدرون وش يسميني ...؟؟ كرة البولينج مع العلم اني مو سمينه
والا طلع لي بطن كبير مرره وزني 50 كيلو بس؟؟؟ ويقهر يقول شوفي بطنك كله تشققات وربي ماطلع فيه ولا شئ بس يبغى يضيق خلقي...
مع العلم انه راعي طلعات وروحات وجيات وانا محبوسه في البيت مااقوله ولا كلمه
يطلع من صلاة العصر ولا يرجع الا الساعه 1 او2 واكوون انا دايخه ابغى انام لأن وراي دوام حتى هو يجي ينام... احس العلاقه معه علاقة .............. وبس؟؟
ماعمرنا طلعنا او تمشينا.. واذا جلس في البيت فتح التلفزيون وجلس عنده وطالع هالحريم شوفي هالصدر وشلون وشوفي هالجسم كيف حلو طبعا انا جسمي حلو مو سمينه ولا نحيفه ,, بس يبغى يضيق خلقي
وه بس تعبت وش اسووي معه وطبعا النقاش بالهداوه مايفيد معه لأني عصبي مره