زوجي والساطور وش الحل ساعدوني 😭

بدخل بقصتي ع طول 
نزلت لكم كثير هنا عني 
بنات قصتي مع زوجي صار لها ست. شهور 
زوجي اللي كان مدمن كبتاجون وحشيش 
وصار يشوف ناس واشياء ماشوفها لييين سحب مني جوالي واجهزة عيالي وقفل علينا وقالي اعترفي حسبي الله عليه الله لايسامحه ضيعنا ضيعنا 😭 ورفع الساطور والسكين والشوزل وصار زي المجنون والله لولا اتكالي ع ربي وصلاتي ودعواتي ذيك اللحظه كان ذبحني والله ذبحني هو. اصلآ قتلني وقضئ من وقتها وانا ميته 
والله كان فقير ودايم نفسيته شينه ومايبتسم حتئ لي 
لاسفر لابيت لاشي ودايم برا تخيلو كل رمضان افطر وانا ابكي 
ع السفره لحالي هو يصير نايم اقومه واترجاه يقوم. يهاوشني 
ويطردني. يقوم ع الساعه 10 ويطلع حتئ السحور احطه يبرد ماجاء واحيان اجلس ابكي واشيله قهررر وقسم ب الله كنت ادعي له ايه ادعي له ب الهدايه والتوبه وابكي لربي وهو يطلع. يفسد استغفرالله 
لقيت له رسايل كثير يقولون. له ي فلان. نبي صيده وكم شخص كذبوني قالو. لعب مزح انتي نواياك شينه خافي ربك 
ايه ومره اتصل ع جوالي ب الغلط وهو يسولف ع صديقه انه رايح يقابل بنات ويلعب سمعت كل شي وهو ماكان يعرف الا بعدين انتبه وجلس يهاوشني وكثير كان يهدددني ب القتل 😭  ويجي يحلف انه يكذب ومو صحيح مجرد يطلع قصص 
صبرنا. ايه صبرت واكلت. تبن مالي سند مالي ابو. مالي اخوان 
مالي حول ولاقوه الا مع ربي ربي مايضيع احد. اخر رمضان دعيت ربي اذا مافي امل له ب الهدايه يفرقنا لان. تعبت ماعدت اطيق الحياة معه
تعب هو اخر رمضان وقسم ب الله يجيب حصئ يقول راح اطلع منها ذهب يلقئ اي شي عند الباب يقول هذا سحر يجيب من بيت اهله. صوف حق التسريحات يقول هذا سحر مسوينه لنا 
ويخربط خرابيط كنت ابكي خوف منه بس اقوي نفسي 
احرق يده يقول شي يمشي عليها واحيان يدخل يركض وياخذ سكين يقول تو لحقوني حراميه اكيد بيدخلون بنتظرهم عشان اذبحهم ولايدخلون عليك يقول قفلي الباب وولده يجلس يضحك ع ابوه 
وبعدين. مره مرض طاح وماعاد فيه حيل امسكه ي فلان انا زوجتك وراح اوقف معك قلي وش فيك ي فلان وش صاير لك يعصب علي 
ويقول  انه مايستخدم شي ورجع ع ماكان وب الاسبوع مره. يسوي. فينا. شي بس ماوصل انه يشك فيني 
الا. ذيك اللحظه مثل المجنون الله المستعان من وقتها ربي ربي سبحانه انقذني ايه انقذني. منه سبحانه بلغ عنه ومسكوه ولحد الان مدري من بلغ عنه 
وانا في بيت امي الان بس مالي نصيب عندهم اي شي ب البيت مالي البيت انفتح لاخواني الصغيرين وقت وفاة ابوي واخاف من بكره 
وبحاجة زوجي عشان عيالي ايه بحاجته ضيعنا ضيعنا 😭
مالقئ من يقضي لهم حاجتهم معي ثلاثه 
هم مايبونه ولاانا مابيه اكرههه هو يحاول يرجعنا بس اخاف وقسم  ب الله اخاف منه وماحبه ومابي حتئ اسمع طاريه 
وجالسين يخوفوني من المستقبل امس ولد اختي من ابوي يقولي ترئ مع الايام. راح يطلقك ويتزوج وانتي تجلسين حضرتك من ياخذك تتوقعين بيجيك فارس الاحلام حسبي الله ونعم الوكيل مابي رجال اصلآ صرت اخاف وقسم  ب الله من كل الرجال 
يقولون لي سافري معه طيب اخاف منه كيف هو رفع علي ساطور لولا رحمة الله. رحنا وكان يهدددني لو قامو عيالي وقتها يذبحني 
ويقول تكلمي غصب وانا مدري عن شي اقوله وش اقول ووش اعلمك فيه يقولي اسكتي بسسسس ولاشوف وجهك ترئ بذبحك 
واللحين يقولون لي ممكن صدق تاب وطاب انا ماشوف شي 
انا كليوم. ادعي ربي وابكي اذا فيه خير يردنا له واذا شر يبعده مستحيل ربي يضيع دعواتي انا متكله ع ربي ولايمكن يضيعني. اقولهم مابي منه شي بتكل ع ربي واذا فيه خير والله كاتب نرجع نرجع يقوولون لي لا مب كذا طيب والله اخاف منه هو راح الامل عطوه علاج استخدمه  بس شهر ويقول انه طاب خلاص بس ماشوف انا مازال يشك بس مو مثل اول  اقل بس ولووووو 
ومب مرتاحه له بنات تشوفون اني اعطيه فرصه مع اني اخاف ولاابي اعطيه بس قلت لولد اختي امس خل يتطوع خل يتوب صدق خل اشوف لحيته ونور وجهه يقولون لي مو دليل اهم شي ترك الخرابيط وانهم يبون. مصلحتي وانا بحيره وخوف ومدري 
انا بحاجة زوجي نعم بححاجته وماتخيل اني اتطلق بعد هاالسنين 
بس هو حطني بكذا ومابيدي شي 😔 
ااااااه ماتدرون. قد ايش جالسه اتعذب كليوم كليوم تعبت مليت 
وجهي غدا اسود شعري صار يتساقط بقوه خصصل 
نفسيتي كلها تعبانه ومدري وش اسوي 
سامحوني طولت عليكم