زوجي والشك يحبني بس يلعب به الشك 😭

الله يلوم اللي يلومك
بس يختي خلاص الرجال شاريك ويصلي تعوذي من الشيطان وخليك قويه معه من ناحية انه ياخذ شي خلي عينك عليه وهدديه انك بتخلعينه بدون اسف لو رجع لها واقري قراءن علشان الخوف االلي عندك يخف

الله يفرجها عليك يارب .. طيب اسمعي نصيحته وارقو انفسكم بالرقيه وحصنو نفسكم وبيتكم وعطيه فرصه طالما الرجال بدا يصلي فروضه ومنتظم عليها معناها الرجال وده يتعدل ويتغير للاحسن لا تلجأين للطلاق الا اذا خلاص الامر اصبح ميؤس منه لكن طالما زوجك يحاول يعالج الموضوع فلا تيأسي وتستسلمي لاشياء مجهوله يمكن ماتحصل

يابنت الحلال ممكن انه صحيح وتاب لا تهوجسين واسمعي كلامه وروحو لشيخ يقرا عليكم عل وعسي ترتاحون اثنينكم وربي يبعد عنكم عيال الحرام وطالما مو مرتاحه ببيت اهلك وش يرجعك لهم اجلسي عند زوجك طالما هو تحسن وان شاء الله مافيكم الا العافيه

اختى الله يكون في عونك اخوك انسان قذر الله لا يسامحة لا يقل قذارة عن المريض زوجك
الي بقولة لك
انتي ما عندك مكان تهربين له ولا اهل تلجين لهم
ولا يحط براسك ان فيك نفسية
انتي الحين في مرحلة اكتئاب حاد لا تضغطين على نفسك هدي اعصابك وفكري بروقان
لازم تدورين مواضيع بنات لهم تجارب قريبة من تجاربك عشان تقوين نفسك
لان الانسان سبحان الله بس يشوف غيرة في نفس مشكلته تهون عليه مشكلته ويعرف انه مو وحيد
المهم رجلك هذا ما فيه طب ولن يتغير اطلاقا الله ان اراد الله لانه يستخدم مخدرات اسفة اصدمك بالحقيقة بس هذا شي منتشر ومعروف مايبي لها كلام


لكن يجي دورك هنا انك تستغلين فترة هدوء العاصفة الي انتي فيها
لاني احب اقولك الحالة ذي بتجية كل شوي وشوي لانه يستخدم الابيض او الكابتيجون
افهمي مراحل الحالة
اليوم الاول بتلاحظين انه ما ياكل بس يشرب على الخفيف وحركته زايدة ويمكن يطلعكم يمشيكم او يشتغل بالبيت او اي شي بس بيلفت نظرك انه ذا اليوم نشيط حبتين وماراح ينام بالليل
اليوم الثاني عيونه حمر وبردان تلاقينه لابس لبس ثقيل شوي ونفسة خايسة ولا ياكل وفيه شك وعنف وقلق ولا راح ينام
اليوم الثالث ما نام ولا ياكل وعنيف بشكل خطير ويمكن يتضارب مع الناس او ياذيكم وبيشغلك باسالة وتحقيق وتنبيش ومشاكل ويكلم نفسة
وممكن يرفع عليكم السلاح وممكن ياذيك
انتي لازم ماتستفزينة ولا تهددينة لانه راح يكون عنيف وبياخذ اي تهديد على محمل الجد فلا تقولين بنحاش بتطلق ومن هالكلام
لكن لو فيه احد يقدر يتدخل دخلية ابوه او اخوانة واشرحي لهم اني فاهمة انه يتعطي
ولازم يكون براسك خطة هرررررررررروب واكثر من خطة
خطة أ
تطبقينها الان والي هي للفترة الحين الي انتي قاعدتها معه
حاولي تدرسين وتتوظفين بدون ما تشككينه انك تسوين كذا عشان تستقلين قولي عشان اشيل عنك شوي ونقدر نسافر ونشتري بيت ومن ذا الحكي
طلعي لك بطاقة صراف لا يدري عنها
طلعي لك بطاقة شخصية
اعملي لك نسخة من مفاتيح الباب بدون مايدري
لا تتركين اي شي وراك ممكن يثير شكة لان اذا جته الحالاه بيقعد يحقق معك
لاتحطين بجوالك رقم سري خليه يفتشه بكيفة واذا تبين طلعي لك شريحة ثانية لا تخزنين رسايلك ولا اتصالاتك حتى العادية منها
لا تتركين معرفك مفتوح بالمنتديات ولا عدلي الاعدادات في جهازك بحيث انه الجهاز ما يحفظ عمليات البحث او كلمات السر عشان ما ينبش وراك
خزني عندك رقم شخص ممكن تلجين له لو صار شي مثل رقم العنف الاسري
حاولي تروحين لوزارة الشئون الاجتماعية بدون ما يدري وشوفي وش ممكن يقدمون لك ويساعدونك اذا عندهم دار ايواء
استقلي فيها انتي وبزرانك حرام تتركينهم يضيعون
اذا عندك اشياء غاليه من جواز سفر ذهب او اي شي غالي حاولي تطلعينه من بيتك تحطينه عند شخص تثقين فيه امك او اختك
لازم تحطين لك بند للطواري اجمعي فيه الفلوس لو الفتات واستغلي هالفترة الي انتي فيها وخليه يشتري لك شي محرز ذهب ولا اسوارة تنفعك بعدين
.......................
الخطة ب


اذا الوضع جدا تفاقم و كان مستعمل وقاعد يهددكم
اقفلي على نفسك الغرفة
اطلبي احد من اهله
حاولي تصورينه فيديو بدون ما يدري لان بكرة لا قدر الله لو طلبتي الطلاق بيقول الشيخ اثبتي انه يستخدم لاوم تحليل وشهود ولا يدفعونك المهر اذا تبين تخلعين
اذا له احد قريب من اهله كلميهم واطلبي تدخلهم
..................................................................
المرحلة الاخيرة استعرضي خياراتك لما تتركين هالشخص
القاضي راح يلزمة بالنفقة والسكن وراح يجي لك مصروف من الضمان وكمان ممكن تتوظفين
لكن النقطة الي لازم تركزين عليها هي الفترة الانتقاليه من طلاق ومراجعة محاكم وغيرة كيف واين باعيش انا واولادي !؟
من كل قلبي اسفة واتمنى اني اقدر اساعدك بس اختصري على نفسك الحياة وحاولي تتركين هذا الشخص الي مثله لن ينعدل اطلاقا الا برحمة رب العالمين واكبر ظلم ان الوحدة تعرف ان هذا زوجها وتجيب منه عيال عشان يتبهذلون فحاولي قد ما تقدرين انك ما تجيبين زود عيال وطمنينا عليك
اهم شي لا تكتبين ولا تزعلين نفسك عشان صحتك ولان اولادك محتاجينك

فعلا